കൽപ്പറ്റ: ഡിവൈഎഫ്ഐ യുവധാര മാസിക ക്യാമ്പയിന് ജില്ലയിൽ തുടക്കമായി. ഇന്ത്യൻ വനിതാ ക്രിക്കറ്റ് താരം ജോഷിതയ്ക്ക് നൽകി ജില്ലാ പ്രസിഡന്റ് കെ ആർ ജിതിൻ ഉദ്ഘാടനം നിർവ്വഹിച്ചു. ജില്ലാ ട്രഷറർ ഷിജി ഷിബു, ജില്ലാ ജോയിൻ സെക്രട്ടറി അർജുൻ ഗോപാൽ,ഷംലാസ്, നിതിൻ പി സി, ഷിനു എന്നിവർ പങ്കെടുത്തു.
പനമരം: ചൊവ്വാഴ്ച രാവിലെ പനമരം എരനല്ലൂരിൽ ഉണ്ടായ വാഹനാപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരണപ്പെട്ടു. പനമരം ചങ്ങാടക്കടവ് കാരി കുയ്യൻ അയൂബ്-സുഹറ എന്നിവരുടെ മകൻ മുഹമ്മദ് നിഹാൽ(22) ആണ് മരിച്ചത്. പച്ചിലക്കാട് നിന്നും പനമരത്തേക്ക് പോകുകയായിരുന്ന ബൈക്കും പനമരത്ത് നിന്നും കോഴിക്കോടേക്ക് പോകുകയായിരുന്നു ജീപ്പും തമ്മിൽ എലനല്ലൂരിൽ വെച്ച് കൂട്ടിയിടിക്കുകയായിരുന്നു. ഗുരുതരമായി പരിക്കേറ്റതിനെ തുടർന്ന് മേപ്പാടിയിലെ സ്വകാര്യ മെഡിക്കൽ കോളേജിൽ ചികിത്സയിലായിരുന്നു. അല്പസമയം മുമ്പാണ് നിഹാൽ മരണപ്പെട്ടത്.സഹോദരി സുമയ്ന.
പനമരം: കോഴി ഫാമില് നിന്നു ഷോക്കേറ്റ് യുവാവ് മരിച്ചു. പുഞ്ചവയല് അശ്വതി വീട്ടില് ജിജേഷ് (44) ആണ് മരിച്ചത്. കോഴി ഫാമില് ലൈറ്റ് ഇടാന് എത്തിയപ്പോഴാണു ജിജേഷിന് ഷോക്കേറ്റത്. ശബ്ദം കേട്ട് സ്ഥലത്തെത്തിയ ഭാര്യക്കും ഷോക്കേറ്റു. അബോധാവസ്ഥയില് കിടക്കുന്ന ജിജേഷിനെ എഴുന്നേല്പ്പിക്കാന് ശ്രമിച്ചപ്പോഴാണു ഭാര്യ ഭിഷയ്ക്കു ഷോക്കേറ്റത്. ഇവരെ ആശുപത്രിയില് പ്രവേശിപ്പിച്ചു. മകൾ: ആദിത്യ.
മാനന്തവാടി:ഫലസ്തീൻ ജനതയെ കൂട്ടക്കൊല ചെയ്യാൻ നേതൃത്വം കൊടുക്കുകയും ഇറാനെതിരെ യുദ്ധമുഖം തുറക്കുകയും ചെയ്ത തെമ്മാടി രാഷ്ട്രമായ ഇസ്രായേലിനെതിരെ എസ്ഡിപിഐ സംസ്ഥാന വ്യാപകമായി ആഹ്വാനം ചെയ്ത പ്രതിഷേധത്തിന്റെ ഭാഗമായി മാനന്തവാടി മണ്ഡലം പരിധിയിലുള്ള വിവിധ പഞ്ചായത്ത് കേന്ദ്രങ്ങളിൽ പ്രതിഷേധം നടത്തി. വിവിധയിടങ്ങളിൽ നടന്ന പ്രതിഷേധത്തിന് മണ്ഡലം പ്രസിഡന്റ് വി.സുലൈമാൻ, സെക്രട്ടറി സജീർ എം.ടി, ജോയിന്റ് സെക്രട്ടറി നൗഫൽ പഞ്ചാരക്കൊല്ലി,വിവിധ പഞ്ചായത്ത് ഭാരവാഹികളായ സുബൈർ,നൗഷാദ്, ഷൗക്കത്തലി, കരീം തുടങ്ങിയവർ നേതൃത്വം നൽകി.
കൽപ്പറ്റ : ജില്ലയിലെ ദുരന്തനിവാരണ പ്രവര്ത്തനങ്ങള് ഫലപ്രദമാക്കാന് സന്നദ്ധസംഘടന പ്രവര്ത്തകരെ ഉള്പ്പെടുത്തി രൂപീകരിച്ച ജില്ലാതല ഇന്റര്ഏജന്സി ഗ്രൂപ്പിന്റെ പുന:സംഘടന യോഗം ചേര്ന്നു. ജില്ലാ ഭരണകൂടത്തിന്റെയും ദുരന്തനിവാരണ വകുപ്പിന്റെയും ആഭിമുഖ്യത്തില് നടന്ന യോഗത്തില് വിവിധ സന്നദ്ധ സംഘടനകളില് നിന്നുള്ള അമ്പതോളം പ്രതിനിധികള് പങ്കെടുത്തു. കാലവര്ഷം ശക്തിപ്രാപിക്കുന്നതിന് മുമ്പായി സന്നദ്ധ പ്രവര്ത്തനങ്ങള്ക്ക് കൃത്യമായ മാര്ഗനിര്ദ്ദേശങ്ങള് നല്കാനും ഇന്റര് ഏജന്സി ഗ്രൂപ്പിന്റെ കണ്വീനര്, എക്സിക്യൂട്ടീവ് അംഗങ്ങളെ തെരഞ്ഞെടുക്കാനുമായിരുന്നു യോഗം ചേര്ന്നത്. ഇന്റര് ഏജന്സി ഗ്രൂപ്പുകള് മികച്ച പ്രവര്ത്തനമാണ് നടത്തുന്നത്. ദുരന്തനിവാരണ, വികസന…
തവിഞ്ഞാൽ: വിവിധ മേഖലകളിൽ മികവ് തെളിയിച്ച പ്രതിഭകളെ തവിഞ്ഞാൽ ഗ്രാമപഞ്ചായത്ത് ആദരിച്ചു. ഗ്രാമപഞ്ചായത്ത് വൈസ് പ്രസിഡണ്ട് ജോസ് പാറക്കൽ അധ്യക്ഷത വഹിച്ച പരിപാടിയിൽ ഗ്രാമപഞ്ചായത്ത് പ്രസിഡന്റ് എൽസി ജോയ് പുരസ്കാരങ്ങൾ വിതരണം ചെയ്തു. എസ്എസ്എൽസി, പ്ലസ് ടു പരീക്ഷകളിൽ മുഴുവൻ വിഷയങ്ങൾക്കും എ+ നേടിയ വിദ്യാർത്ഥികളെയും ഉപരിപഠനത്തിൽ റാങ്ക് നേടിയവരെയും ആദരിച്ചു. സംസ്ഥാന കായികമേളയിൽ മെഡൽ നേടിയ അഭിനവ് പോൾ, എയ്ഞ്ചൽ മിഷേൽ, ആദി കൃഷ്ണ, അലൻ പോൾ ഷൈജു, അമന്യ മണി, അളകനന്ദ എന്നിവരെയും ക്ഷീരകർഷകൻ…
വെള്ളമുണ്ട: കിണറ്റിങ്ങൽ സിറ്റിസൺ ആർട്സ് ആൻഡ് സ്പോർട്സ് ക്ലബ് സംഘടിപ്പിച്ച ഫുട്ബാൾ പ്രീമിയർ ലീഗ് വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. വെള്ളമുണ്ട ഏഴാംമൈൽ ഗോൾ ടറഫിൽ നടന്ന ചടങ്ങിൽ ജമാൽ സി അധ്യക്ഷത വഹിച്ചു.മുഹമ്മദ് എം,താജുദ്ധീൻ പി, അഷ്റഫ് കെ.കെ തുടങ്ങിയവർ സംബന്ധിച്ചു.
കൽപ്പറ്റ: മുണ്ടക്കൈ – ചൂരൽമല ദുരിത ബാധിതർക്കായി ജീവനോപാധികൾ വിതരണം ചെയ്തു. നബാർഡ് റീക്രീയേഷൻ ക്ലബ്ബിൻറെയും എം എസ് സ്വാമിനാഥൻ ഗവേഷണ നിലയത്തിൻറെയും സഹായത്തോടെ മുണ്ടക്കൈ നീർത്തട സമിതിയാണ് ജീവനോപാധികൾ വിതരണം ചെയ്തത്. ബാഗ് നിർമ്മാണ യൂണിറ്റ്, കുട നിർമ്മാണ യൂണിറ്റ്, ബേക്കറി യൂണിറ്റ് കൂടാതെ ഭക്ഷണ പരമ്പരാഗത ഭക്ഷണ നിർമ്മാണ യൂണിറ്റും ജീവനോപാധികളിൽ ഉൾപ്പെടുത്തിയിരുന്നു. കാടു വെട്ടുന്ന യന്ത്രം, മരം മുറിക്കുന്ന യന്ത്രം എന്നിവക്ക് പുറമെ തയ്യൽ മെഷീനുകളും തിരഞ്ഞെടുക്കപ്പെട്ട അംഗങ്ങൾക്ക് കൈമാറി. അംഗങ്ങൾക്ക് ആവശ്യമായ…
മാനന്തവാടി ഗവ.മെഡിക്കല് കോളേജ് എച്ച്ഡിഎസ്:പി.കെ ജയലക്ഷ്മിയെ എം.പി യുടെ പ്രതിനിധിയായി നിയമിച്ചു മാനന്തവാടി: മാനന്തവാടിയിലെ വയനാട് ഗവണ്മെന്റ് മെഡിക്കല് കോളേജ് ആശുപത്രിയുടെ ഹോസ്പിറ്റല് ഡെവലപ്മെന്റ് സൊസൈറ്റിയുടെ നിലവിലുള്ള ജനറല് ബോഡിയിലും എക്സിക്യൂട്ടീവ് കമ്മിറ്റിയിലും വയനാട് എം.പി പ്രിയങ്കഗാന്ധിയുടെ പ്രതിനിധിയായി മുന് മന്ത്രി കൂടിയായ പി.കെ ജയലക്ഷ്മിയെ നിയമിച്ചു.
സുൽത്താൻ ബത്തേരി: മുത്തങ്ങയിൽ പോലീസ് നടത്തിയ വാഹന പരിശോധനയിൽ എംഡിഎംഎയുമായി കൊടുവള്ളി സ്വദേശിയടക്കം രണ്ടു പേർ പിടിയിൽ. രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയില് 76 .44 ഗ്രാം എംഡിഎംഎ ആണ് പോലീസ് പിടികൂടിയത്. വെങ്ങപ്പള്ളി സ്വദേശി ഷൈജല് (45) , കൊടുവള്ളി റഷീദ് (39) എന്നിവരെ പോലീസ് കസ്റ്റഡിയിലെടുത്തു
