കൽപ്പറ്റ : സഖാവ് അഴീക്കോടൻ രാഘവൻ രക്തസാക്ഷി ദിനം ആചരിച്ചു. സി പി ഐ എം ജില്ലാ കമ്മിറ്റി ഓഫീസായ കൽപ്പറ്റ എ കെ ജി ഭവനിൽ ജില്ലാ സെക്രട്ടറി കെ റഫീഖ് പതാക ഉയർത്തി. സംസ്ഥാന കമ്മിറ്റിയംഗം സി. കെ ശശീന്ദ്രൻ, ജില്ലാ കമ്മിറ്റി അംഗങ്ങളായ കെ സുഗതൻ, വി ഹാരിസ്, ലോക്കൽ സെക്രട്ടറിമാരായ പി കെ ബാബുരാജ്, പി എം ഷംസുദ്ധീൻ, ലോക്കൽ കമ്മിറ്റി അംഗം മുസ്തഫ തുടങ്ങിയവർ പങ്കെടുത്തു.

കൽപ്പറ്റ: വയനാടിന്റെ തനത് പ്രകൃതിയും സംസ്കാരവും കാർഷിക പൈതൃകവും പ്രാദേശിക ഉൽപ്പന്നങ്ങളും ലോകത്തിന് മുന്നിൽ അവതരിപ്പിച്ച് ‘ബ്രാൻഡ് വയനാട്’ എന്ന പേരിൽ സമഗ്ര ടൂറിസം ബ്രാൻഡ് വികസിപ്പിക്കാൻ തീരുമാനം. പ്രിയങ്കാ ഗാന്ധി എംപിയുടെ നേതൃത്വത്തിൽ വയനാട് കലക്ടറേറ്റിൽ ചേർന്ന ടൂറിസം പദ്ധതികളുടെ അവലോകന യോഗത്തിലാണ് തീരുമാനം. ടൂറിസം, സാംസ്കാരിക, സിനിമ വകുപ്പ് മന്ത്രി പി.സി. വിഷ്ണുനാഥിന്റെയും റവന്യൂ വകുപ്പ് മന്ത്രി എ.പി. അനിൽകുമാറിന്റെയും സാന്നിധ്യത്തിലായിരുന്നു യോഗം. നേരത്തെ സംസ്ഥാന ബജറ്റിലാണ് ‘ബ്രാൻഡ് വയനാട്’ പദ്ധതി സർക്കാർ പ്രഖ്യാപിച്ചത്….

കൽപ്പറ്റ: കൽപ്പറ്റ ജനറൽ ഹോസ്പിറ്റലിൽ മാനദണ്ഡങ്ങൾ ഒന്നും പാലിക്കാതെ ജീവനക്കാരെ പിരിച്ചു വിടുന്ന നടപടിയിൽ പ്രതിഷേധമറിയിക്കാൻ സൂപ്രണ്ട് ഓഫീസിൽ എത്തിയ കോൺഗ്രസ്- യൂത്ത് കോൺഗ്രസ് നേതാക്കളെ അകാരണമായി മർദ്ദിച്ച എൻജിഒ യൂണിയൻ ഭാരവാഹികൾക്കും നേതാക്കൾക്കുമെതിരെ നടപടി വേണമെന്ന് യൂത്ത് കോൺഗ്രസ് വയനാട് ജില്ലാ കമ്മിറ്റി. കാലാകാലങ്ങളായി ആശുപത്രിയിലെ ജീവനക്കാരെ പിരിച്ചുവിടുമ്പോൾ 15 ദിവസത്തെ നോട്ടീസ് കൊടുക്കാറുണ്ട്. ഇക്കഴിഞ്ഞ എച്ച് എം സി യോഗത്തിൽ എടുത്ത 15 ദിവസത്തെ നോട്ടീസ് കൊടുത്തിട്ട് വേണം ജീവനക്കാരെ പിരിച്ചുവിടാൻ എന്നുള്ള തീരുമാനവും…