പനമരം: സുന്നി സ്റ്റുഡന്റ്‌സ് ഫെഡറേഷന്‍(എസ്എസ്എഫ്) 54-ാം സ്ഥപകദിനം ബദ്‌റുല്‍ ഹുദായില്‍ ആഘോഷിച്ചു. ജനറല്‍ സെക്രട്ടറി പി. ഉസ്മാന്‍ മൗലവി പതാക ഉയര്‍ത്തി ഉദ്ഘാടനം ചെയ്തു. ധാര്‍മിക ബോധമുള്ള ധാരാളം യുവാക്കളെ നാടിന് സമര്‍പ്പിക്കാന്‍ എസ്എസ്എഫിന് കഴിഞ്ഞിട്ടുണ്ടെന്ന് അദ്ദേഹം പറഞ്ഞു. നൗഫല്‍ അഹ്‌സനി പെരുന്തട്ട, ഷാഫി നൂറാനി രാമല്ലൂര്‍, ഹാഫിള്‍ സാബിത്ത് തരുവണ, ഹാഫിള്‍ റബീഹ് അസ്ഹരി എന്നിവര്‍ പ്രസംഗിച്ചു.
കല്‍പ്പറ്റ: ട്രൂത്ത് ഓഫ് മദേഴ്‌സ് വാട്‌സാപ് കൂട്ടായ്മ സംസ്ഥാനത്തിന്റെ വിവിധ ഭാഗങ്ങളില്‍നിന്നു തെരഞ്ഞെടുത്ത 550 അമ്മമാരെ ആദരിക്കുന്നു. ലോക മാതൃദിനമായ മേയ് 10ന് എറണാകുളം ടൗണ്‍ഹാളിലാണ് പരിപാടി. രാഷ്ട്രീയം, കല, സാഹിത്യം, സംരഭകത്വം, ജീവകാരുണ്യം ഉള്‍പ്പെടെ മേഖലകളില്‍ മികവ് തെളിയിക്കുകയും സാമൂഹികാംഗീകരം ലഭിക്കാതിരിക്കുകയും ചെയ്യുന്ന അമ്മമാരെയാണ് ആദരണത്തിന് തെരഞ്ഞെടുത്തതെന്ന് കൂട്ടായ്മ പ്രതിനിധികളായ ഷിബില ഖാദര്‍, സെറീന ഉമ്മു സല്‍മാന്‍, ജഷീല യാസീര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു. രാവിലെ എട്ടിന് ആരംഭിക്കുന്ന ചടങ്ങ് ഉച്ചകഴിഞ്ഞ് മൂന്നിന് സമാപിക്കും. ഓരോ…
കല്‍പ്പറ്റ: വയനാട്ടിലെ ഏച്ചോം ആസ്ഥാനമായി പ്രവര്‍ത്തിക്കുന്ന ട്രൈബല്‍ യൂണിറ്റി ഫോര്‍ ഡവലപ്‌മെന്റ് ഇനീഷ്യേറ്റീവ്(തുടി)മുപ്പതാം വാര്‍ഷികം ആഘോഷിക്കുന്നു. തുടി നാട്ടറിവ് പഠന കേന്ദ്രത്തില്‍ മേയ് ഒന്ന് മുതല്‍ മൂന്ന് വരെയാണ് പരിപാടി. ആദിവാസി ഗ്രാമോത്സവവും ഇതോടൊന്നിച്ച് നടത്തുമെന്ന് തുടി ഡയറക്ടര്‍ ഫാ.ആന്റോ എസ്‌ജെ, സംഘാടക സമിതി ഭാരവാഹികളായ ബി. വിനോദ്, സി.കെ.പ്രമിത, എ.കെ. അപ്പു, മുഹമ്മദ് സ്വാലിഹ്, എം.എം. കമല എന്നിവര്‍ വാര്‍ത്താസമ്മേളനത്തില്‍ അറിയിച്ചു. 30ന് വൈകുന്നേരം നാലിന് മാതോത്തുപൊയില്‍ ഉന്നതില്‍ മൂപ്പന്‍മാരുടെ നേതൃത്വത്തില്‍ കൊടിയേറ്റുന്നതോടെ ഗ്രാമോത്സവത്തിന് തുടക്കമാകും….
കല്‍പ്പറ്റ: പ്രഥമ ഐസിടി ദേശീയ അധ്യാപക അവര്‍ഡ് ജേതാവ് കെ.പി. ഷൗക്കുമാന്‍ നാളെ സര്‍വിസില്‍നിന്ന് വിരമിക്കും.പനങ്കണ്ടി ഗവ.ഹൈസ്‌കൂള്‍ ഹെഡ്മാസ്റ്ററായിരിക്കേയാണ് റിട്ടയര്‍മെന്റ്. ഇന്‍ഫര്‍മേഷന്‍ ആന്‍ഡ് കമ്മ്യൂണിക്കേഷന്‍ ടെക്‌നോളജി(ഐസിടി)ക്ലാസ് റൂമുകളില്‍ സംവിധാനിച്ചതാണ് 2010ല്‍ അദ്ദേഹത്തെ ദേശീയ പുരസ്‌കാരത്തിന് അര്‍ഹനാക്കിയത്. കേന്ദ്ര മാനവശേഷി വികസന വകുപ്പ് ഡല്‍ഹിയില്‍ സംഘടിപ്പിച്ച ഡിജിറ്റല്‍ ഇന്ത്യ ഇ പാഠശാല ലോഞ്ചിംഗില്‍ പങ്കെടുക്കാന്‍ അവസരം ലഭിച്ച കേരളത്തില്‍ നിന്നുള്ള ഏക അധ്യാപകനാണ് ഷൗക്കുമാന്‍. കേരള സ്‌കൂള്‍ ടീച്ചേഴ്‌സ് യൂണിയന്‍ ജില്ലാ പ്രസിഡന്റ്, സംസ്ഥാന വൈസ് പ്രസിഡന്റ് എന്നീ…
കണിയാമ്പറ്റ: മഴക്കാലപൂര്‍വ ശുചീകരണം പഞ്ചായത്തുതല ഉദ്ഘാടനം മേയ് ആറിന് ടൗണില്‍ നടത്താന്‍ ഇന്റര്‍ സെക്ടറല്‍ യോഗം തീരുമാനിച്ചു. എല്ലാ വാര്‍ഡുകളിലും 12ന് ശുചീകരണവും ക്ലോറിനേഷനും നടത്തും. പഞ്ചായത്ത് പ്രസിഡന്റ് വി.പി. യൂസഫ് ഉദ്ഘാടനം ചെയ്തു. വൈസ് പ്രസിഡന്റ് രോഷ്മ രമേഷ് അധ്യക്ഷത വഹിച്ചു. ആരോഗ്യ-വിദ്യാദ്യാസ സ്റ്റാന്‍ഡിംഗ് കമ്മിറ്റി ചെയര്‍മാര്‍ സുരേഷ്ബാബു പ്രസംഗിച്ചു. വാര്‍ഡ് മെംബര്‍മാര്‍, ആരോഗ്യ പ്രവര്‍ത്തകര്‍, ഹരിതകര്‍മസേന പ്രതിനിധികള്‍, പഞ്ചായത്ത് ഹെല്‍ത്ത് ഇന്‍സ്‌പെക്ടര്‍, അസിസ്റ്റന്റ് സെക്രട്ടറി, മെഡിക്കല്‍ ഓഫീസര്‍ തുടങ്ങിയവര്‍ പങ്കെടുത്തു.
കിണർ നിർമ്മാണത്തിനിടെ അപകടം; ഒരാൾക്ക് പരിക്ക്. തമിഴ്‌നാട് സ്വദേശിയായ മതിയഴകൻ എന്ന മധു ആണ് അപകടത്തിൽപ്പെട്ടത്. മൈലമ്പാടിയിൽ കിണർ നിർമ്മാണത്തിനിടെ നിലപ്പലക പൊട്ടിയതിനെ തുടർന്ന് 15 മീറ്റർ താഴ്‌ചയുള്ള കിണറിലേക്ക് വീഴുകയായിരുന്നു. ഫയർഫോഴ്‌സും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. പരിക്കേറ്റ മധുവിനെ മീനങ്ങാടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ല. കിണറുപണി കരാറുകാരനായ ഇയാൾ മീനങ്ങാടിയിൽ കഴിഞ്ഞ 30 വർഷത്തോളമായി താമസിച്ചുവരികയാണ്.
കൽപറ്റ : വയനാട് ജില്ലാ ലൈബ്രറിയുടെ പായ്യാരം പ്രതിമാസ പുസ്തക ചർച്ചയുടെ പതിമൂന്നാമത് പുസ്തക ചർച്ച ജില്ലാ ലൈബ്രറിയിൽ ഇന്റെണൽഷിപ്പ് നടത്തിവരുന്ന കോളജ് വിദ്യാർഥികളുടെ നേതൃത്വത്തിൽ സംഘടിപ്പിച്ചു. നിമ്ന വിജയ് എഴുതിയ “എത്രയും പ്രിയപ്പെട്ട എന്നോട്” എന്ന പുസ്തകമാണ് അവതരിപ്പിച്ചത് .ജില്ലാ ലൈബ്രറി ഹാളിൽ സംഘടിപ്പിച്ച പരിപാടി ജില്ലാ ലൈബ്രറി കൗൺസിൽ സെക്രട്ടറി പി.കെ സുധീർ ഉദ്ഘാടനം ചെയ്തു. ബത്തേരി സെന്റ് മേരിസ് കോളേജ് വിദ്യാർഥിനി സി. അഫിയ സെറിൻ പുസ്തകാവതരണം നടത്തി. വൈത്തിരി താലൂക്ക് ലൈബ്രറി…
കൽപറ്റ:നഗരത്തിന്റെ തിരക്കുകളിൽ നിന്ന് മാറി മാനസിക ഉല്ലാസത്തിനും ശാരീരിക വ്യായാമത്തിനുമായി നിരവധി ആളുകൾ എത്തുന്ന കലക്ടറേറ്റ് ഗാർഡനിൽ കുട്ടികൾക്കായി ലഹരി വിരുദ്ധ ബോധവൽക്കരണ സന്ദേശം നൽകി. ലഹരിയില്ലാത്ത നവകേരളത്തിന്നായ്, ലഹരി വിപത്തിനെതിരെ വിദ്യാർഥികൾ ജാഗ്രത പാലിക്കണമെന്നും ആരോഗ്യകരമായ ജീവിതശൈലി വളർത്തിയെടുക്കണമെന്നും ലഹരി വിരുദ്ധ സന്ദേശം നൽകി എക്‌സൈസ് വിമുക്തി മിഷൻ വയനാട് ജില്ലാ കോർഡിനേറ്റർ എൻ.സി.സജിത്ത്കുമാർ അച്ചൂരാനം ഓർമിപ്പിച്ചു. ചടങ്ങിൽ എൻ.എസ്.പ്രമോദ്, അനീഷ് , ദേവിദാസൻ എന്നിവർ സംസാരിച്ചു. വിദ്യാർഥികളായ കെ.സി.ആദിദേവ്, സി.പി.ആകാശ്,അദീബ ജാസ്മിൻ എന്നിവരും ചർച്ചയിൽ…
സുൽത്താൻ ബത്തേരി :വയനാട് ആയുഷ് ട്രൈബൽ മെഡിക്കൽ യൂണിറ്റിന്റെ നേതൃത്വത്തിൽ നെൻമേനി പുഞ്ചവയൽ ഊരിൽ പാമ്പ് കടി ബോധവൽക്കരണ ക്ലാസ്സ്‌ സംഘടിപ്പിച്ചു.ട്രൈബ ൽ പ്രൊമോട്ടർ ശ്രീമതി അനശ്വര സ്വാഗത പ്രസംഗം നടത്തി. മെമ്പർ ശ്രീമതി മിനി പ്രഭാകരൻ ഉത്ഘാടന പ്രസംഗം നടത്തി. ഡോ അരുൺ ബേബി ” പാമ്പ് കടി:ശ്രദ്ധിക്കേണ്ട കാര്യങ്ങളും, മുൻ കരുതലുകളും “എന്ന വിഷയത്തെ കുറിച്ച് ക്ലാസ്സെടുത്തു. സിദ്ധ മെഡിക്കൽ ക്യാമ്പും ഇതോടൊപ്പം സംഘടിപ്പിച്ചു. ട്രൈബൽ മെഡിക്കൽ യൂണിറ്റ് അംഗം അരുൺ ജോസ് പങ്കെടുത്തു
കല്‍പ്പറ്റ: സീനിയര്‍ സിറ്റിസണ്‍സ് കൗണ്‍സില്‍ സംസ്ഥാന കമ്മിറ്റിയുടെ ആഭിമുഖ്യത്തില്‍ വയനാട് കളക്ടറേറ്റ് പടിക്കല്‍ ധര്‍ണ നടത്തി. താമരശേരി, പേര്യ, പക്രന്തളം ചുരങ്ങള്‍ വയനാട് ജില്ലാ ഭരണകൂടത്തിന്റെ നിയന്ത്രണത്തിലാക്കുക, ചൂരം റോഡുകളിലിലൂടെയുള്ള യാത്ര സുഗമമാക്കുന്നതിന് അടിയന്തര നടപടി സ്വീകരിക്കുക, താമരശേരി ചുരത്തില്‍ കുടിവെള്ളം, ടോയ്‌ലെറ്റ്് സൗകര്യം ഒരുക്കുക, മുടിപ്പിന്‍ വളവുകളില്‍ 24 മണിക്കൂറും പോലീസ് സേവനം ലഭ്യമാക്കുക, മാനന്തവാടി, കണ്ണവം, കണ്ണൂര്‍, കൊട്ടിയൂര്‍, വൈത്തിരി പോലീസ് സ്റ്റേഷനുകളോടനുബന്ധിച്ച് ഗാട്ട് പ്രൊട്ടക്ഷന്‍ യൂണിറ്റ് ആരംഭിക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം….
