മീനങ്ങാടി: അറിവ് ആയുധമാണ്. ഉപജീവനമാർഗ്ഗമാണ്. സംസ്കാരമാണ്. നമ്മുടെ ജീവിത വ്യവസ്ഥയുടേയും സമ്പദ് വ്യവസ്ഥയുടേയും അടിസ്ഥാനമായി അറിവ് മാറിയിരിക്കുന്നുവെന്ന് വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി പറഞ്ഞു.മീനങ്ങാടി ഗവ.കൊമേഴ്സ്യൽ ഇൻസ്റ്റിറ്റ്യൂട്ട് വിദ്യാർത്ഥികളുമായി സെമിനാർ ഹാളിൽ സംവദിക്കുയായിരുന്നു അദ്ദേഹം. ജി.സി.ഐ സൂപ്രണ്ട് സിൻഡ്രീല്ല ജേക്കബ്,പ്രതിഭ കെ.എസ്, ഹരീഷ് കുമാർ എ.വി, മിഥുന സി.വി, അശ്വനി കെ.ആർ തുടങ്ങിയവർ സംസാരിച്ചു. മനുഷ്യ ജീവിതത്തിന്റെ ചരിത്രം പരിശോധിച്ചാൽ അത് കൃഷിയിൽ നിന്ന് ആരംഭിച്ച് വാണിജ്യ വ്യവസായ യുഗങ്ങളിലൂടെ…

പടിഞ്ഞാറത്തറ: പടിഞ്ഞാറത്തറ ബണാസുര സാഗർ ഡാമിന് സമീപം കാപ്പിക്കളത്തുണ്ടായ വാഹനാപകടത്തിൽ യുവാവ് മരിച്ചു. നായ്മൂല സ്വദേശി സഞ്ജിത്ത് (32) ആണ് മരിച്ചത്. മൃതദേഹം മാനന്തവാടി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. അപകടത്തെക്കുറിച്ച് പടിഞ്ഞാറത്തറ പോലീസ് കേസെടുത്ത് അന്വേഷണം ആരംഭിച്ചു.

പുൽപ്പള്ളി:പെരിക്കല്ലൂര്‍-ബത്തേരി റോഡിന്റെ നിര്‍മാണ പ്രവൃത്തി കരാറുകാരന്‍ ഉപേക്ഷിച്ചുവെന്ന സിപിഎം മുള്ളന്‍കൊല്ലി ലോക്കല്‍ കമ്മിറ്റിയുടെ പ്രചാരണം അടിസ്ഥാന രഹിതമാണെന്ന് ഐ.സി. ബാലകൃഷ്ണന്‍ എംഎല്‍എ വാർത്തസമ്മേളനത്തില്‍ അറിയിച്ചു. ആദ്യം തയ്യാറാക്കിയ എസ്റ്റിമേറ്റിനേക്കാള്‍കൂടുതല്‍ മെറ്റീരിയലുകള്‍ റോഡിന്റെ നിര്‍മാണത്തിന് ആവശ്യമായിവന്നിരിക്കുകയാണ്. ഈ സാഹചര്യത്തില്‍ റോഡിന്റെ ലെവല്‍സ് ഉള്‍പ്പെടെയുള്ള വിവരങ്ങള്‍ ശേഖരിച്ച് പൊതുമരാമത്ത് ഉദ്യോഗസ്ഥര്‍ കഴിഞ്ഞ ദിവസം അംഗീകാരത്തിനായി സമര്‍പ്പിച്ചിരിക്കുകയാണ്. സാങ്കേതിക നടപടിക്രമങ്ങള്‍ പൂര്‍ത്തിയാക്കി ഒരാഴ്ചയ്ക്കുള്ള അനുമതിനല്‍കിയുള്ള ഉത്തരവ് വരും. തുടര്‍ന്ന് എത്രയുംപെട്ടന്ന് റോഡിന്റെ നിര്‍മാണ പ്രവൃത്തികള്‍ ആരംഭിക്കും. റോഡിന് അനുവദിച്ച ഫണ്ട് സ്റ്റേ…

മാനന്തവാടി : മാനന്തവാടി ബ്ലോക്ക്‌ പഞ്ചായത്തിന്റെ ‘കനിവ്’ സഞ്ചരിക്കുന്ന ആതുരാലയത്തിന് ലഭിച്ച വയോസേവ പുരസ്‌കാരം ഏറ്റുവാങ്ങി. തൃശ്ശൂർ റീജ്യണൽ തിയേറ്റർ ഹാളിൽ ഉന്നത വിദ്യാഭ്യാസ, സാമൂഹ്യ നീതി വകുപ്പ് മന്ത്രി ഡോ. ആർ ബിന്ദുവിൽ നിന്നും ബ്ലോക്ക് പഞ്ചായത്ത് പ്രസിഡന്റ്‌ ജസ്റ്റിൻ ബേബി, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പി കല്യാണി, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സൽമ മോയിൻ, മെമ്പർമാരായ പി ചന്ദ്രൻ, രമ്യ താരേഷ്, ബി എം വിമല എന്നിവർ ചേർന്ന് ഏറ്റുവാങ്ങി….

പുൽപ്പള്ളി: ശ്രീനാരായണീയ സമൂഹത്തിന് ആത്മീയ നേതൃത്വം ഇല്ലെന്ന് വെള്ളാപ്പള്ളി നടേശന്റെ പ്രസ്താവന പൊറുക്കാനും ക്ഷമിക്കാനും കഴിയാത്തതാണെന്ന് ഗുരുധർമ്മ പ്രചരണ മാതൃസഭയുടെ സംസ്ഥാന എക്‌സിക്യൂട്ടീവ് കമ്മിറ്റി അംഗം പി പുഷ്പവല്ലി പറഞ്ഞു. വെള്ളാപ്പള്ളിയുടെ പ്രസ്താവനയിൽ പ്രതിഷേധിച്ച് പുൽപ്പള്ളിയിൽ മാതൃസഭയുടെ നേതൃത്വത്തിൽ നടത്തിയ പ്രാർത്ഥനാ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അവർ. ജാതിഭേദവും മതദ്വേഷവും ഇല്ലാത്ത സമൂഹ പുന:സൃഷ്ടിക്ക് വഴിതെളിച്ച ശ്രീനാരായണ ഗുരുദേവനാണ് ലോകമെമ്പാടുമുള്ള ദശലക്ഷക്കണക്കിന് ശ്രീനാരായണീയരുടെ ആത്മപ്രകാശം. ഗുരുവിൻ്റെ സന്യസ്തശിഷ്യ പരമ്പരയിൽ ശ്രീനാരായണ ധർമ്മ സംഘത്തിന്റെ പ്രസിഡണ്ട് ബ്രഹ്മശ്രീ…

കൽപറ്റ: വൈസ് മെൻ ഇൻ്റർ നാഷണൽ വെസ്റ്റ് ഇന്ത്യാ റീജിയണിൽ തൃശൂർ മുതൽ കാസർകോട് വരെയുള്ള 7 ജില്ലകളിൽ നടത്തിയ ജില്ലാ ക്യാംപുകളിൽ നിന്ന് തിരഞ്ഞെടുക്കപ്പെട്ട യുവജനങ്ങൾക്കായി കൽപറ്റ സ്വാമിനാഥൻ ഫൗണ്ടേഷൻ ഓഡിറ്റോറിയത്തിൽ രണ്ടു ദിവസങ്ങളിലായി നടത്തിയ യൂത്ത് ക്യാംപ് നടത്തി. ടി സിദ്ദിഖ് എം എൽ എ ഉദ്ഘാടനം നിർവഹിച്ചു. ക്യാംപ് ഡയറക്ടർ ഷാജൻ ജോസ്, സൈബർ സെക്യൂരിറ്റി അഡ്വൈസർ അഡ്വ ജിജിൽ ജോസഫ്, സ്വാമിനാഥൻ ഫൗണ്ടേഷൻ സയൻ്റിസ്റ്റ് ജോസഫ് ജോൺ, സിവിൽ പൊലീസ് ഓഫിസർമാരായ…

പനമരം: പനമരം ഗ്രാമപഞ്ചായത്തിന്റെ 2025 -2026വാർഷിക പദ്ധതിയിൽ ഉൾപ്പെടുത്തി 4,5,6 ക്ലാസിലെ ആൺകുട്ടികൾക്കായി തുടങ്ങിയ ഫുട്ബോൾ ക്യാമ്പിൽ പങ്കെടുക്കുന്ന വിദ്യാർത്ഥികൾക്ക് ജേഴ്സി കൈമാറി. പനമരം ഗവൺമെൻറ് ഹയർ സെക്കൻഡറി സ്കൂളിൽ വച്ച് പഞ്ചായത്ത് പ്രസിഡണ്ട് ലക്ഷ്മി ആലക്കമറ്റം കുട്ടികൾക്ക് ജേഴ്സി കൈമാറി.ചടങ്ങിൽ സുബൈർ കെ ടി, ടീ പി പൈലി ,കോച്ച് സുരേഷ് , ക്യാമ്പ് കോഡിനേറ്റർ നവാസ് Tഎന്നിവർ പങ്കെടുത്തു.ചടങ്ങിൽ പനമരംപോലീസ് സ്റ്റേഷൻ കോൺസ്റ്റബിൾ എ എ റഹീം കുട്ടികൾക്ക് ലഹരി വിരുദ്ധ സന്ദേശവും നൽകി.

അസംപ്ഷൻ എ യു പി സ്കൂൾ 75 ൻ്റെ നിറവിൽ   1951 ൽ ബഹുമാനപ്പെട്ട സർഗ്ഗീസച്ചനാൽ സ്ഥാപിതമായ അസം പ്ഷൻ എ യു പി സ്കൂൾ മികവിൻ്റെ 75 സംവത്സരങ്ങൾ പിന്നിടുകയാണ്. ഒട്ടനേകം വിദ്യാർത്ഥികൾക്ക് അറിവ് പകർന്നു നൽകിയ ഈ കലാലയം അദ്ധ്യാപക ശ്രേഷ്‌ഠരിലൂടെയും, മികച്ച വിദ്യാർത്ഥി സമൂഹത്തിലൂടെയും നമ്മുടെ നാടിൻ്റെ യശ്ശസ് ഉയർത്തിപ്പിടിച്ചിട്ടുണ്ട്. വിദ്യാലയത്തിന്റെ പ്ലാറ്റിനം ജൂബിലി ആഘോഷങ്ങൾ മികവുറ്റ രീതിയിൽ നടത്തുന്നതിലേക്ക് 2025 ഒക്ടോബർ 04, ശനിയാഴ്ച രാവിലെ 11 മണിക്ക് സ്വാഗതസംഘ…

ബത്തേരി: കർണാടകയിൽ നിന്നും ബത്തേരി ഭാഗത്തേക്ക് വരികയായിരുന്ന സ്വകാര്യ ബസിലെ യാത്രക്കാരനിൽ നിന്നും എം.ഡി.എം.എ പിടികൂടി. കോഴിക്കോട്, അടിവാരം പുതുപ്പാടി പൂവുള്ളേരി വീട്ടിൽ പി. മുഹമ്മദ്‌ ഫയാസ്(32)നെയാണ് ബത്തേരി പോലീസും ജില്ലാ ലഹരി വിരുദ്ധ സ്ക്വാഡും ചേർന്ന് പിടികൂടിയത്. 04.10.2025 രാവിലെ മുത്തങ്ങ തകരപ്പാടി വെച്ച് നടത്തിയ പരിശോധനയിലാണ് ഇയാൾ വലയിലായത്. ഇയാളുടെ പാന്റിന്റെ വലതു പോക്കറ്റിൽ നിന്ന് കവറിൽ പൊതിഞ്ഞ നിലയിൽ 9.24 ഗ്രാം എം.ഡി.എം.എയാണ് കണ്ടെടുത്തത്. സബ് ഇൻസ്‌പെക്ടർ കെ.എം അർഷിദിന്റെ നേതൃത്വത്തിലായിരുന്നു പരിശോധന….

തൊണ്ടർനാട് : കോഴിക്കോട് അഴിയൂർ കുഞ്ഞിപ്പള്ളി റഹ്മത്ത് വീട്ടിൽ ടി പി റാഷിഖി(29) നെയാണ് തൊണ്ടർനാട് പോലീസ് പിടികൂടിയത്. 04.10.2025 രാവിലെ മട്ടിലയം അംഗൻവാടിക്കു സമീപം നടത്തിയ വാഹന പരിശോധനക്കിടെ പോലീസിനെ കണ്ടു പരിഭ്രമിച്ച ഇയാളെ പരിശോധിച്ചതിൽ ഇയാളുടെപാന്റിന്റെ പോക്കറ്റിലുണ്ടായിരുന്ന പേഴ്‌സിൽ നിന്നാണ് 0.44 ഗ്രാം എം.ഡി.എം.എ കണ്ടെടുത്തത്. സബ് ഇൻസ്‌പെക്ടർ പി. പി അഖിലിന്റെ നേതൃത്വത്തിലായിരുന്നു പരിശോധന