കല്‍പ്പറ്റ: വന്യമൃഗശല്യത്തില്‍ പൊറുതിമുട്ടിയ ജനങ്ങല്‍ പ്രതിഷേധിക്കുമ്പോള്‍ അവരെ ക്രൂരമായി മര്‍ദ്ദിക്കുന്ന പൊലീസ് നടപടി ഒരു കാരണവശാലും അംഗീകരിക്കില്ലെന്നും, അതിശക്തമായ സമരത്തിന് നേതൃത്വം നല്‍കുമെന്നും ജില്ലാ കോണ്‍ഗ്രസ് കമ്മിറ്റി യോഗം മുന്നറിയിപ്പ് നല്‍കി. മേപ്പാടി താഞ്ഞിലോട്ട് നിവാസികള്‍ക്ക് നേരെ നടന്നത് മനുഷ്യത്വമില്ലാത്ത നടപടിയാണ്. സമാധാനപരമായി സമരം ചെയ്തവര്‍ക്ക് നേരെയാണ് പൊലീസ് ലാത്തി വീശിയത്. വന്യമൃഗശല്യത്തിന് പരിഹാരം കാണുന്ന കാര്യത്തില്‍ സര്‍ക്കാരും വനംവകുപ്പും സമ്പൂര്‍ണ പരാജയമാണെന്ന് വീണ്ടും വീണ്ടും തെളിയിച്ചുകൊണ്ടിരിക്കുകയാണ്. കഴിഞ്ഞ ഒമ്പത് വര്‍ഷത്തെ ഭരണത്തിനിടയില്‍ വന്യമൃഗശല്യം രൂക്ഷമാകുകയും മനുഷ്യജീവനുകള്‍…

  തലപ്പുഴ: വിദ്യാർത്ഥിനിയെ ബലമായി മദ്യം നൽകി കൂട്ടബലാൽസംഗത്തിന് ഇരയാക്കിയ സംഭവം ഞെട്ടിക്കുന്നതാണെന്നും പ്രതികൾക്കെതിരെ കർശന നടപടി സ്വീകരിക്കണമെന്നും എസ്‌ഡിപിഐ മാനന്തവാടി മണ്ഡലം കമ്മിറ്റിയംഗം ഖദീജ ടി. പെട്ടന്ന് തന്നെ കുറ്റാരോപിതരെ പോലീസ് അറസ്റ്റ് ചെയ്തത് ആശാവഹമാണ്. എങ്കിലും കാര്യക്ഷമമായ അന്വേഷണം നടത്തി കൂടുതൽ പേർ സംഭവത്തിൽ ഉൾപ്പെട്ടിട്ടുണ്ടോ എന്നും കുറ്റവാളികൾക്ക് രക്ഷപ്പെടാനുള്ള പഴുതുകൾ നിഷേധിക്കണമെന്നും അവർ ആവശ്യപ്പെട്ടു. ഇത്തരം അതിക്രമികൾക്കെതിരെ പൊതു സമൂഹവും നിയമ സംവിധാനങ്ങളും കർശന നിലപാട് സ്വീകരിക്കണമെന്നും ഖദീജ കൂട്ടിച്ചേർത്തു.

മാനന്തവാടി: വയനാട്ടിൽ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗം ചെയ്‌തു. മാനന്തവാടിയിലാണ് സംഭവം. 16 കാരിയായ പെൺകുട്ടിയെ രണ്ട് പേർ ചേർന്ന് തട്ടിക്കൊണ്ടുപോയി മദ്യം നൽകി ബലാത്സംഗം ചെയ്യുകയായിരുന്നു. മാനന്തവാടി സ്വദേശികളായ ആഷിഖ്, ജയരാജ്‌ എന്നിവരെ പൊലീസ് അറസ്റ്റ് ചെയ്തു. പ്രതികൾക്കെതിരെ പോക്സോ, കൂട്ട ബലാത്സംഗം എന്നീ വകുപ്പുകൾ ചുമത്തി കേസെടുത്തിട്ടുണ്ട്. ഉടൻ തന്നെ ഇരുവരെയും മാനന്തവാടി കോടതിയിൽ ഹാജരാക്കും.

വയനാട്ടിലെ കാപ്പി കര്‍ഷകര്‍ക്ക് അഭിമാനമായി വയനാടന്‍ റോബസ്റ്റ കാപ്പിക്ക് ദേശീയ അംഗീകാരം. കേന്ദ്ര വാണിജ്യ വ്യവസായ മന്ത്രാലയം ന്യൂഡൽഹിയിൽ സംഘടിപ്പിച്ച ദേശീയ സമ്മേളനത്തിൽ ‘വണ്‍ ഡിസ്ട്രിക്ട് വണ്‍ പ്രൊഡക്റ്റ്‌’ പദ്ധതിയിലാണ് വയനാടന്‍ കാപ്പിക്ക് പ്രത്യേക പരാമര്‍ശം ലഭിച്ചത്. കൃഷി-എ വിഭാഗത്തിലാണ് റോബസ്റ്റ കാപ്പി അംഗീകരിക്കപ്പെട്ടത്. രാജ്യാന്തര വിപണിയില്‍ ആവശ്യക്കാര്‍ ഏറെയുള്ള വയനാടന്‍ റോബസ്റ്റ കാപ്പിക്ക് ഭൗമ സൂചികാ പദവി ലഭിച്ചിട്ടുണ്ട്. വയനാടൻ മണ്ണില്‍ യഥേഷ്ടം വളരുന്ന റോബസ്റ്റ കാപ്പി ചെടിയില്ലാത്ത വീടുകള്‍ ജില്ലയിൽ വിരളമാണ്. പൊതുവെ കടുപ്പം…

ബാർബർ ഷോപ്പ് തൊഴിലാളിയെ മരിച്ച നിലയിൽ കണ്ടെത്തി പനമരം ടൗണിലെ ബാർബർ ഷോപ്പ് തൊഴിലാളിയെ താമസ സ്ഥലത്ത് മരിച്ച നിലയിൽ കണ്ടെത്തി. തിരുനെല്ലി അപ്പപ്പാറ സ്വദേശി ലക്ഷ്‌ി നിവാസ് ബാബു രാജ് (47) നെയാണ് മരിച്ച നിലയിൽ കണ്ടെത്തിയത്. രണ്ട് ദിവസമായി ബാബു രാജിനെ കാണാത്തതിനെ തുടർന്ന് നാട്ടുകാർ താമസ സ്ഥലത്ത് അന്വേഷിച്ച് ചെന്നപ്പോഴാണ് മരിച്ച നിലയിൽ കാണപ്പെട്ടത്. ദീർഘകാലമായി പനമരം ടൗണിലെ ഫാഷൻ ഹെയർ സ്റ്റൈൽ എന്ന സ്ഥാപനത്തിൽ ജോലി ചെയ്‌തു വരികയായിരുന്നു ഇദ്ദേഹം. പനമരം…

  ഭൂമിക്ക് പട്ടയം ലഭിക്കാന്‍ നമ്പ്യാര്‍കുന്ന് സ്വദേശിനി 75-കാരി അമ്മിണിയമ്മ നടത്തിയ ഒറ്റാള്‍ പോരാട്ടത്തിന് ശുഭാന്ത്യം. മീനങ്ങാടി ഗ്രാമപഞ്ചായത്ത് ഹാളിൽ ചൊവ്വാഴ്ച്ച നടന്ന പട്ടയമേളയിൽ അമ്മിണിയമ്മ പട്ടയം ഏറ്റുവാങ്ങി. ഏട്ട് വര്‍ഷം മുന്‍പ് നെന്മേനി ഗ്രാമപഞ്ചായത്തില്‍ നിന്നും ലഭിച്ച വീട്ടിലാണ് അമ്മിണിയമ്മ താമസിക്കുന്നത്. വീട് സ്ഥിതി ചെയ്യുന്ന 30 സെന്റ് സ്ഥലത്തിനുള്ള പട്ടയമാണ് ജില്ലാതല പട്ടയ മേളയിലൂടെ അമ്മിണിയമ്മയുടെ കൈകളിലേക്ക് എത്തിയത്. “വീടുണ്ടെങ്കിലും സ്ഥലത്തിന് പട്ടയമില്ലെന്ന ആധിയായിരുന്നു എനിയ്ക്ക്. സ്വന്തമായി ഭൂമിയില്ലാത്തതിന്റെ പേരില്‍ മക്കളില്‍ നിന്നുണ്ടായ ദുരനുഭവമാണ്…

മൂപ്പൈനാട് ജയ്ഹിന്ദ് ഉന്നതിയിലെ മാളു, വെള്ളച്ചി, ബാബു, ലീല, അമ്മിണി എന്നിവരുടെ ഭൂമിക്ക് രേഖയായി. ഉന്നതിയിലെ അഞ്ച് കുടുംബങ്ങള്‍ക്കാണ് മീനങ്ങാടിയില്‍ നടന്ന ജില്ലാതല പട്ടയമേളയില്‍ പട്ടയം ലഭിച്ചത്. 1971 ല്‍ 25 ഹെക്ടര്‍ സ്ഥലമാണ് മിച്ചഭൂമിയായി ലഭിച്ചത്. ഇവിടെ 205 ഓളം കുടുംബങ്ങൾ താമസിക്കുന്നു. ഇതില്‍ ഗോത്രവിഭാഗക്കാരായ 100 കുടുംബങ്ങളാണുള്ളത്. ജില്ലയില്‍ നടന്ന വിവിധ പട്ടയമേളകളിലായി 50 കുടുംബങ്ങള്‍ക്ക് പട്ടയം നേരത്തെ അനുവദിച്ചിരുന്നു. ഓരോ കുടുംബത്തിനും 10 സെന്റ് മുതല്‍ ഒരേക്കര്‍ ഭൂമിക്കുവരെ ഉടമസ്ഥാവകാശം ലഭിച്ചിട്ടുണ്ട്.