Category: Accidents

തേറ്റമല : വയോധികയെ പൊട്ട കിണറ്റിൽ മരിച്ച നിലയിൽ കണ്ടെത്തി.ഇന്നലെ വൈകിട്ട് മുതൽ കാണാതായ വയോധികയുടെ മൃതദേഹം ഉപയോഗ ശൂന്യമായ കിണറ്റിൽ കണ്ടെത്തി. തേറ്റമല പരേതനായ വിലങ്ങിൽ മുഹമ്മദിന്റെ ഭാര്യ കുഞ്ഞാമി(70)യുടെ മൃതദേഹമാണ് കാണാതായ വീട്ടിൽ നിന്നും അര കിലോമീറ്ററോളം മാറി സ്വകാര്യ വ്യക്തിയുടെ തോട്ടത്തിലെ കിണറ്റിൽ കണ്ടെത്തിയത്. തൊണ്ടർനാട് പോലീസും ഫയർഫോഴ്‌സും സ്ഥലത്തെത്തി മൃതദേഹം പുറത്തെടുത്തു. ഇൻക്വസ്റ്റ് നടപടികൾ പുരോഗമിക്കുന്നു.

ചേകാടി: കാട്ടാനയുടെ മുന്നിൽപ്പെട്ട ബൈക്ക് യാത്രികൻ രക്ഷപ്പെടാനുള്ള ശ്രമത്തിനിടെ ബൈക്ക് മറിഞ്ഞു വീണ് പരിക്കേറ്റു. പനമരം പോലീസ് സ്റ്റേഷനിലെ സിവിൽ പോലീസ് ഓഫീസർ കുറുവാ ചെറിയാമല ഉന്നതിയിലെ അജേഷിനാണ് പരിക്കേറ്റത്. ഇന്ന് രാവിലെ ജോലിക്ക് പോകവേ ചേകാടി – പാക്കം റോഡിൽ കുറുവാ ജംഗ്ഷനിൽ വെച്ചായിരുന്നു സംഭവം. അപ്രതീക്ഷിതമായി തൊട്ടു മുന്നിൽ കാട്ടാനയെ കണ്ടപ്പോൾ ബൈക്ക് നിർത്താൻ ശ്രമിക്കവെ മറിഞ്ഞു വീണതിനെ തുടർന്നാണ് പരിക്കേറ്റത്. പുറകിലായി വന്ന ഓട്ടോറിക്ഷ ഡ്രൈവർ സുരേഷിന്റെ നേതൃത്വത്തിൽ അജേഷിനെ പുൽപ്പള്ളിയിലെ സ്വകാര്യ…

പുൽപ്പള്ളി: കാര്യമ്പാതിക്കുന്ന് മാവിള വീട്ടിൽ സനന്ദു {24} ആണ് മരണപ്പെട്ടത്. ഞായറാഴ്ച വൈകുന്നേരം അഞ്ചുമണിയോടെ പുതിയ ഗ്രാമപഞ്ചായത്ത് ഓഫീസ് കെട്ടിടത്തിന് സമീപത്താണ് വാഹന അപകടം ഉണ്ടായത്. പുൽപ്പള്ളിയിൽ നിന്നും കാര്യംപാതിക്കുന്നിലേക്ക് പോവുകയായിരുന്നസനന്ദുവിന്‍റെ ബൈക്ക് ജീപ്പു മായി കൂട്ടിയിടിച്ചാണ് അപകടമുണ്ടായത് അലൂമിനിയം ഫാബ്രിക്കേഷൻ ജോലിക്കാരനായിരുന്നു സനന്ദു. പോലീസ് സ്ഥലത്തെത്തി തുടർ നടപടികള്‍ സ്വീകരിച്ചു.മൃതദേഹം സുൽത്താന്‍ ബത്തേരി താലൂക്കാശുപത്രിയില്‍, അച്ഛന്‍ സന്തോഷ് അമ്മ ബിന്ദു.

ബത്തേരി : നായ്ക്കട്ടി പാമ്പുംകൊല്ലി ഊരിലെ രവി (40) യെയാണ് സമീപത്തെ തോട്ടിൽ മരിച്ച നിലയിൽ കണ്ടെത്തിയത്. ഇന്നലെ രാത്രി മുതൽ കാണാനില്ലായിരുന്നു. തിരച്ചിലിനിടെ ഇന്ന് രാവിലെ സമീപത്തെ തോട്ടിൽ മരിച്ച നിലയിൽ കണ്ടെത്തുകയായിരുന്നു. ബത്തേരി പൊലീസ് സ്ഥലത്തെത്തി തുടർ നടപടികൾ സ്വീകരിച്ചു. മൃതദേഹം പോസ്റ്റ്മോർട്ടം നടപടികൾക്കായി ബത്തേരി താലൂക്ക് ആശുപത്രിലേക്ക് മാറ്റി.

സുൽത്താൻ ബത്തേരി: നെന്മേനി പഞ്ചായത്തിലെ റഹ്മത്ത് നഗർ മനക്കത്തൊടി ആബിദയുടെ വീടാണ് ഇന്ന് പുലർച്ചെ ഒരു മണിയോടെ തകർന്നുവീണത്. അഞ്ചംഗ കുടുംബത്തെ സമീപവാസികൾ അത്ഭുതകരമായി രക്ഷപ്പെടുത്തി. നിസ്സാര പരിക്കേറ്റ മൂന്നുവയസ്സുകാരൻ അടക്കം അഞ്ചുപേർ ചികിത്സയിലാണ്. ഉറങ്ങിക്കിടക്കുകയായിരുന്നു കുടുംബാംഗങ്ങളുടെ ദേഹത്തേക്കാണ് വീടിന്റെ മേൽക്കൂരയും ഭിത്തികളും പതിച്ചത്.

പനമരം : പനമരത്ത് ബസും, സ്കൂട്ടറും കൂട്ടിയിടിച്ചുണ്ടയ അപകടത്തിൽ പരിക്കേറ്റ് ചികിത്സയി ലായിരുന്ന യുവാവ് മരിച്ചു. സ്‌കൂട്ടർ യാത്രികനായി രുന്ന അഞ്ച്കുന്ന് കളത്തിങ്കൽ ഉന്നതിയിലെ മനു (24)ലാണ് ചികിത്സയിലിരിക്കെ ഇന്ന് രാത്രിയോടെ കോഴിക്കോട് മെഡിക്കൽ കോളേജിൽ വെച്ച് മരിച്ചത്. സഹയാത്രികനായ വരദൂർ ചീങ്ങാടി ഉന്നതിയിലെ സുനീഷ് (19 ) സാരമായ പരിക്കുകളോടെ ചികിത്സയിലാണ്. ഇന്നലെ വൈകുന്നേരം 6.30 ഓടെയായിരുന്നു പനമരം പാലത്തിന് സമീപം അപകടമുണ്ടായത് . കൽപ്പറ്റ ഭാഗത്തേക്ക് പോകുന്ന ബസും മാനന്തവാടി ഭാഗത്തേക്ക് സഞ്ചരിച്ച സ്കൂട്ടറും…

പനമരം : പനമരത്ത് ബസും സ്കൂട്ടിയും കൂട്ടിയിടിച്ച് യുവാക്കൾക്ക് ഗുരുതര പരിക്ക്. അഞ്ച്കുന്ന് കളത്തിങ്കൽ ഉന്നതിയിലെ മനു (24), വരദൂർ ചീങ്ങാടി ഉന്നതിയിലെ സുനേഷ് (19) എന്നിവർക്കാണ് പരിക്കേറ്റത്. ഇന്ന് വൈകുന്നേരം ആറരയോടെ പനമരം പാലത്തിന് സമീപമാണ് സംഭവം. കൽപ്പറ്റ ഭാഗത്തേക്ക് പോകുന്ന ബസും മാനന്തവാടി ഭാഗത്തേക്ക് സഞ്ചരിച്ച സ്‌കൂട്ടറും കൂട്ടിയിടിക്കുകയായിരുന്നു. ഗുരുതരമായി പരിക്കേറ്റ ഇരു വരേയും മാനന്തവാടി ഗവ.മെഡിക്കൽ കോളേജിൽ പ്രവേശി പ്പിക്കുകയും, വിദഗ്ധ ചികിത്സക്കായി മേപ്പാടിയിലെ സ്വകാര്യ ആശുപത്രിയിലും പ്രവേശിപ്പിച്ചു

കൽപ്പറ്റ:വയനാട് മേപ്പാടി മുക്കിൽപ്പീടിക യിൽഓടികൊണ്ടിരുന്ന ഓട്ടോക്ക് തീപ്പിടിച്ചു. മേപ്പാടി താഞ്ഞിലോട് സ്വദേശി ഹംസ എന്നവരുടെ ഓട്ടോക്കാണ് തീ പിടിച്ചത്. ആളപായമില്ല കൽപ്പറ്റയിൽ നിന്നും ഫയർഫോഴ്സ് എത്തി തീ അണച്ചു.