കൽപ്പറ്റ: സുൽത്താൻ ബത്തേരി പൊൻകുഴിയിൽ സൈക്കിൾ അപകടത്തിൽ പരിക്കേറ്റ ആദിവാസി വിദ്യാർത്ഥി മനു രക്തം വാർന്ന് മരണപ്പെട്ട സംഭവം അത്യന്തം ദാരുണമാണെന്നും, സംഭവവുമായി ബന്ധപ്പെട്ട് ഹൈവേ പോലീസിനെതിരെ ഉയർന്നിരിക്കുന്ന ഗുരുതര ആരോപണങ്ങളിൽ സമഗ്രവും നിഷ്പക്ഷവുമായ അന്വേഷണം നടത്തി സത്യാവസ്ഥ പുറത്തുകൊണ്ടുവരണമെന്നും യങ് ഡെമോക്രാറ്റ്സ് വയനാട് ജില്ലാ ഓർഗനൈസിംഗ് കമ്മിറ്റി ആവശ്യപ്പെട്ടു. പരിക്കേറ്റ കുട്ടിയുമായി പിതാവ് റോഡരികിൽ ആംബുലൻസിനായി കാത്തുനിന്നപ്പോൾ ഹൈവേ പോലീസിന്റെ വാഹനം നിർത്തി വിവരങ്ങൾ അന്വേഷിച്ചെങ്കിലും, രക്തസ്രാവമുണ്ടായിരുന്നതിനാൽ കുട്ടിയെ വാഹനത്തിൽ കയറ്റാൻ തയ്യാറായില്ലെന്ന ഗുരുതര ആരോപണമാണ്…

കല്‍പ്പറ്റ: സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പര്‍ ഭാഗ്യക്കുറി ടിക്കറ്റിന്റെ ജില്ലാതല പ്രകാശനവും ആദ്യ വില്‍പനയും കൃഷി മന്ത്രി ടി. സിദ്ദിഖ് നിര്‍വഹിച്ചു. സംസ്ഥാനത്തിന്റെ സാമ്പത്തിക വികസനത്തിന് വലിയ സംഭാവന നല്‍കുന്നതിനൊപ്പം സമൂഹത്തിലെ അവശരായ വലിയൊരു വിഭാഗത്തിന് കൈത്താങ്ങാണ് സംസ്ഥാന ഭാഗ്യക്കുറിയെന്ന് അദ്ദേഹം പറഞ്ഞു. കളക്ടറേറ്റ് ആസൂത്രണ ഭവന്‍ പഴശിഹാളില്‍ നടന്ന പരിപാടിയില്‍ ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍ അധ്യക്ഷത വഹിച്ചു. നഗരസഭാ വൈസ് ചെയര്‍പേഴ്‌സണ്‍ എസ്. സൗമ്യ, ജില്ലാ ഭാഗ്യക്കുറി ഓഫീസര്‍ സി.എസ്. രജനി,…

കൽപ്പറ്റ: പൊൻകുഴിയിൽ സൈക്കിൾ അപകടത്തിൽ പതിനൊന്നുകാരനായ ഗോത്രവിദ്യാർഥി പരിക്കേറ്റ ചോരവർന്ന് മരിച്ച സംഭവത്തിൽ പൊലീസിന്റെ മനുഷ്യത്വരഹിതമായ നടപടിയിൽ പ്രതിഷേധിച്ച് ജൂലൈ 23ന് ബത്തേരി സ്‌റ്റേഷനിലേക്ക് മാർച്ച് നടത്തുമെന്ന് ഡിവൈഎഫ്ഐ വയനാട് ജില്ലാ കമ്മിറ്റി അറിയിച്ചു. പൊൻകുഴി കാട്ടുനായ്ക്ക ഉന്നതിയിലെ മനുവിനെ സൈക്കിൾ അപകടത്തിൽ പരിക്കേറ്റ് ചോരവാർന്ന നിലയിൽ കണ്ടിട്ടും ഹൈവെ പൊലീസ് ആശുപത്രിയിൽ എത്തിക്കാതിരുന്നത് മനഃസാക്ഷിയെ നടുക്കുന്നതാണ്. അപകമുണ്ടായി ഒരുമണിക്കൂറിനുശേഷമാണ് ആംബുലൻസ് എത്തി കുട്ടിയെ ആശുപത്രിയിൽ കൊണ്ടുപോയത്. അഞ്ചു മിനിറ്റ് മുമ്പ് ചികിത്സ നൽകിയിരുന്നെങ്കിൽ രക്ഷപ്പെടുമായിരുന്നു എന്നാണ്…

മാനന്തവാടി: മാനന്തവാടി നഗരസഭയും കൃഷി ഭവനും സംയുക്തമായി സംഘടിപ്പിച്ച ഞാറ്റുവേല ചന്തയും കര്‍ഷകര്‍ക്കുള്ള തെങ്ങിന്‍ തൈ വിതരണവും നഗരസഭ അധ്യക്ഷന്‍ ജേക്കബ് സെബാസ്റ്റന്‍ ഉദ്ഘാടനം ചെയ്തു. വികസനകാര്യ സ്റ്റാന്റിങ് കമ്മിറ്റി അധ്യക്ഷന്‍ പി.വി ജോര്‍ജ് അധ്യക്ഷനായിരുന്നു. സ്ഥിരം സമിതി അധ്യക്ഷന്‍മാരായ ലേഖാ രാജീവന്‍, ഷിബു കെ ജോര്‍ജ്, ഷീജ ഫ്രാന്‍സിസ്, കൃഷി ഓഫീസര്‍ ശരണ്യ, കൃഷി അസിസ്റ്റന്റ് റെജി, നഗരസഭ കൗണ്‍സിലര്‍മാര്‍ എന്നിവര്‍ പങ്കെടുത്തു.  

വടുവന്‍ചാല്‍: ലഹരിവിരുദ്ധ പ്രവര്‍ത്തനങ്ങളുടെ ഭാഗമായി മൂപ്പൈനാട് പഞ്ചായത്തില്‍ ജാഗ്രതാസമിതി യോഗം ചേര്‍ന്നു. ബോധവത്കരണ, പ്രതിരോധ പ്രവര്‍ത്തനങ്ങള്‍ കാര്യക്ഷമമാക്കുന്നതിന് പദ്ധതികള്‍ ആസൂത്രണം ചെയ്തു. പഞ്ചായത്തിലുടനീളം ലഹരിവിരുദ്ധ പ്രചാരണം സംഘടിപ്പിക്കാന്‍ തീരുമാനിച്ചു. ലഹരിവിരുദ്ധ സന്ദേശങ്ങള്‍ ഉള്‍ക്കൊള്ളുന്ന വിമുക്തി ബ്രോഷറുകളുടെ വിതരണോദ്ഘാടനം ജില്ലാ മിഷന്‍ കോ ഓര്‍ഡിനേറ്റര്‍ എന്‍.സി. സജിത്ത്കുമാര്‍ നിര്‍വഹിച്ചു. 16-ാം വാര്‍ഡ് അംഗം സി.എച്ച്. റൈഹാനത്ത് ഏറ്റുവാങ്ങി. പഞ്ചായത്ത് അംഗങ്ങളായ വി. കേശവന്‍, എന്‍. ഷമീര്‍ അലി, ആര്‍. യമുന ,സുരേഷ് ബാബു, ടി. മൈമൂന, സിവില്‍ എക്‌സൈസ്…