ചീരാൽ :നെൻമേനി പഞ്ചായത്തിലെ നമ്പ്യാർകുന്ന് പൂങ്കാവനം ലോട്ടറി ഉടമ വിനീത രജീഷ് (32) നാണ് കുത്തേറ്റത്. ലോട്ടറി ടിക്കറ്റ് സമ്മാനം ലഭിക്കാത്തതിൽ പ്രകോപിതനായ വ്യക്തിയാണ് വിനീതയെ കുത്തി പരിക്കേൽപ്പിച്ചത്. സംഭവത്തിൻ തമിഴ്നാട് പാട്ടവയൽ സ്വദേശിയായ ശിവകുമാർ (44) നെ നൂൽപ്പുഴ പോലിസ് കസ്റ്റഡിയിൽ എടുത്തു. വിനീതയുടെ തലയ്ക്കും കഴുത്തിനുമാണ് കുത്തേറ്റത്. ഇവരെ സുൽത്താൻബത്തേരി താലൂക്ക് ആശുപത്രിയിൽ പ്രവേശിപ്പിച്ചു. ഇന്ന് രാവിലെ 11 മണിയോടെയാണ് സംഭവം.

പുൽപ്പള്ളി: ഗാന്ധിജയന്തി ദിനത്തോടനുബന്ധിച്ചുള്ള ‘സ്വച്ഛതാ ഹി സേവ -2026’ കൈയോട് കൈ ക്യാമ്പയിന്റെയും ലോക ടൂറിസം ദിനത്തിന്റെയും ഭാഗമായി പുൽപ്പള്ളി ഗ്രാമപഞ്ചായത്തിന്റെ നേതൃത്വത്തിൽ പ്രധാന ടൂറിസം കേന്ദ്രങ്ങളിൽ ശുചീകരണ പ്രവർത്തനങ്ങൾ സംഘടിപ്പിച്ചു. പ്രധാന വിനോദസഞ്ചാര കേന്ദ്രങ്ങളായ കുറുവാദ്വീപ്, മാവിലാംതോട് പ്രദേശങ്ങളിലാണ് ശുചീകരണം നടത്തിയത്. രാവിലെ കുറവാദ്വീപിൽ ആരംഭിച്ച ശുചീകരണ പ്രവർത്തനങ്ങൾ ഉച്ചയ്ക്ക് ശേഷം മാവിലാംതോട് പഴശ്ശി മ്യൂസിയം പരിസരത്ത് അവസാനിച്ചു. ശുചീകരണ പരിപാടി പുൽപ്പള്ളി ഗ്രാമപഞ്ചായത്ത് പ്രസിഡന്റ് ബിന്ദു പ്രകാശ് ഉദ്ഘാടനം ചെയ്തു. വൈസ് പ്രസിഡന്റ് ജോഷി…

പുൽപ്പള്ളി: ചെറുപുഷ്പം മിഷൻ ലീഗിൻ്റെ ആഭിമുഖ്യത്തിൽ പുൽപ്പള്ളി തിരുഹൃദയ ദേവാലയത്തിൽ മിഷൻമാസാചരണത്തിന് തുടക്കമായി. 27-ന് ഞായറാഴ്ച രാവിലെ 9 മണിക്ക് നടന്ന ദീപശിഖ റാലിയോടെ ദേവാലയങ്കണത്തിൽ വികാരി ഫാ. ജോഷി പുൽപ്പയിൽ മിഷൻ പതാക ഉയർത്തി. മിഷൻ ലീഗ് ശാഖ പ്രസിഡൻ്റ് ജ്യോഷ്വാ മുഴിച്ചാലിൽ, സെക്രട്ടറി അനറ്റ് കണ്ടത്തിൽ, ജോയിൻ ഡയറക്ടർ സിസ്റ്റർ ടെസീന, ജിൻസി ചിറയത്ത്, ഷിബു കാരുവേലിൽ, കൈക്കാരന്മാർ, മതാധ്യാപകർ, സിസ്റ്റേഴ്സ് എന്നിവർ ചടങ്ങുകൾക്ക് നേതൃത്വം നൽകി.

കൽപ്പറ്റ: പട്ടികവര്‍ഗ്ഗ വിഭാഗക്കാരായ വിദ്യാര്‍ത്ഥികള്‍ക്ക് ഇ-ഗ്രാന്‍ഡ് സ്‌കോളര്‍ഷിപ്പ് ലഭ്യമാകുന്നുണ്ടെന്ന് ഉറപ്പാക്കാന്‍ ജില്ലാ കളക്ടര്‍ വി ചെല്‍സസിനി ജില്ലാ വികസന സമിതി യോഗത്തില്‍ നിര്‍ദ്ദേശിച്ചു. വിദ്യാര്‍ത്ഥികള്‍ക്ക് ആധാര്‍ രജിസ്‌ട്രേഷനില്ലാത്ത സാഹചര്യത്തില്‍ ഇ-ഗ്രാന്റ്‌സ് സ്‌കോളര്‍ഷിപ്പ് ആനുകൂല്യം ലഭികാത്ത വിദ്യാര്‍ത്ഥികള്‍ ജില്ലയില്‍ ഉണ്ടോയെന്ന് പരിശോധിച്ച് റിപ്പോര്‍ട്ട് നല്‍കാന്‍ പട്ടികവര്‍ഗ്ഗ വികസന വകുപ്പ് അധികൃതരോട് ജില്ലാ കളക്ടര്‍ ആവശ്യപ്പെട്ടു. മുള്ളന്‍ക്കൊല്ലി-പുല്‍പ്പള്ളി പ്രദേശങ്ങളിലെ വരള്‍ച്ചാ മുന്‍കരുതല്‍ നടപടി സ്വീകരിക്കുന്നതിന്റെ ഭാഗമായി കാരാപ്പുഴ ഡാമില്‍ നിന്നും പൈപ്പ് ലൈന്‍ മുഖേന വെള്ളം എത്തിക്കുന്ന പ്രവര്‍ത്തി യുദ്ധകാലടിസ്ഥാനത്തില്‍…

കൽപ്പറ്റ : നാഷണൽ അവാർഡ് ജേതാവ് ശ്രീ. മനോജ്‌കുമാറിനെ ജിഎച്ച്എസ്എസ് കണിയാമ്പറ്റ പ്രിൻസിപ്പാൾ ശ്രീ.അജേഷ് പി ആർഉം അധ്യാപകരും ചേർന്ന് നിലമ്പൂരിലുള്ള വീട്ടിൽ എത്തി പൊന്നാട അണിയിച്ചു. കണിയാമ്പറ്റ ഹയർ സെക്കന്ററി സ്കൂൾ ഇക്കണോമിക്സ് അദ്ധ്യാപകനായിരുന്ന ശ്രീ.മനോജ്‌ കുമാർ ഇപ്പോൾ കാസർഗോഡ് മൊഗ്രാൽ ഹയർ സെക്കന്ററി സ്കൂൾ അദ്ധ്യാപകനാണ്.

കൽപറ്റ:ലഹരിവസ്തുക്കളുടെ വ്യാപനം, ഉപയോഗം പൂർണമായി തടയുന്നതിന് കേരള പോലീസും തദ്ദേശ സ്വയംഭരണ വകുപ്പും സംയുക്തമായി നടപ്പിലാക്കുന്ന ‘ഓപ്പറേഷൻ തൂഫാൻ 2.0’ പദ്ധതിയുടെ ഭാഗമായി ജില്ലയിലെ തദ്ദേശ സ്വയംഭരണ സ്ഥാപനങ്ങളിൽ വിപുലമായ ജനകീയ പരിപാടികൾ സംഘടിപ്പിക്കുന്നു. സെപ്റ്റംബർ 28 ന് ജില്ലയിലെ എല്ലാ തദ്ദേശ സ്ഥാപനങ്ങളിലും തൂഫാൻ ഫ്ലാഗ് ഉയർത്തൽ, തൂഫാൻ പ്രതിജ്ഞ, ബോധവൽക്കരണ ക്ലാസുകൾ എന്നിവ നടത്തുമെന്ന് തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ പി.സി മജീദ് അറിയിച്ചു. ഓരോ വാർഡിലും കുറഞ്ഞത് പത്ത് സന്നദ്ധ പ്രവർത്തകരെ…