Category: Wayanad

വയനാടിന്റെ വികസന, വ്യാപാര വിഷയങ്ങളിൽ വിലങ്ങുതടിയായി നിൽക്കുന്ന രാത്രി യാത്രാ നിയന്ത്രണം പൂർണമായും ഒഴിവാക്കുന്നതിന് കർണാടക സർക്കാരുമായി ബന്ധപ്പെട്ട് ആവശ്യമായ നിയമ നടപടികൾ സ്വീകരിച്ച് കോടതി വിധികളിൽ മാറ്റം ഉണ്ടാകുന്നതിന് വേണ്ട നടപടികൾ സർക്കാർ അടിയന്തിരമായി സ്വീകരിക്കണമെന്ന് മാനന്തവാടി നിയോജക മണ്ഡലം മുസ്ലിം ലീഗ് പ്രവർത്തക സമിതി യോഗം ആവശ്യപ്പെട്ടു. രാത്രി യാത്രാ നിയന്ത്രണത്തിൽ സുൽത്താൻ ബത്തേരിയിലേക്ക് രാത്രി ഒൻപതു മണി വരെ യാത്രാ അനുമതി ഉള്ളപ്പോൾ മാനന്തവാടിയിലേക്ക് ആറു മണി വരെ മാത്രമായി ചുരുക്കിയത് വിവേചനമാണെന്നും…

മാനന്തവാടി: മാനന്തവാടി ന്യൂമാൻസ് കോളേജിൽ 1971 മുതൽ 2025 വരെ വിവിധ കാലഘട്ടങ്ങളിൽ സേവനം അനുഷ്ഠിച്ച അധ്യാപകരുടെയും ജീവനക്കാരുടെയും സംഗമം ‘ന്യൂമാനിയസ് ടുഗെദർ’ എന്ന പേരിൽ നടന്നു. കോളേജിന്റെ സ്ഥാപകനും പ്രഥമ പ്രിൻസിപ്പലുമായ കെ.യു. ചെറിയാൻ സാറിനെ ചടങ്ങിൽ ആദരിച്ചു. കേരളത്തിന്റെ വിവിധ ഭാഗങ്ങളിൽ നിന്നുള്ള എൺപത്തിയഞ്ചിലധികം മുൻകാല അധ്യാപകർ സംഗമത്തിൽ പങ്കെടുത്തു. ഫാ. മത്തായി പള്ളിച്ചാൻകുടിയിൽ, ഇ.എം. ജോസ്, അന്നമ്മ കെ.വി., ഒ.എം. സെബാസ്റ്റ്യൻ, ഷാജി തോമസ്, പോൾ ജോസഫ് എന്നിവർ പരിപാടിക്ക് നേതൃത്വം നൽകി.

കൽപ്പറ്റ: രാജ്യത്തിന്റെ ജനാധിപത്യ സംവിധാനത്തെ തകർത്ത് പൗരന്റെ മൗലിക അവകാശമായ വോട്ട് കവർന്നെടുത്ത് അധികാര കസേരയിൽ അള്ളിപ്പിടിച്ചിരിക്കാനുള്ള നരേന്ദ്രമോദിയുടെയും ബിജെപിയുടെയും ശ്രമമാണ് രാജ്യത്ത് നടക്കുന്നതെന്ന് എഐസിസി സെക്രട്ടറിയും രാജ്യസഭ എംപിയുമായ മൻസൂർ അലി ഖാൻ ആരോപിച്ചു. വയനാട് ജില്ലാ കോൺഗ്രസ് കമ്മിറ്റി ഓഫീസിൽ നടന്ന നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇത് യാതൊരു കാരണവശാലും ജനാധിപത്യ വിശ്വാസികൾ അംഗീകരിച്ചു നൽകില്ലെന്നും രാജ്യത്തെ ജനാധിപത്യ സംവിധാനത്തെ സംരക്ഷിക്കാനുള്ള ഏറ്റവും വലിയ പോരാട്ടമായി നവംബർ ഒന്നിന് ഡൽഹിയിൽ നടക്കുന്ന…

കൽപ്പറ്റ: ടൗൺഷിപ്പിൽ നിർമ്മിക്കുന്ന രണ്ടാംഘട്ട വീടുകളുടെ ഗുണഭോക്താക്കളെ തിരഞ്ഞെടുക്കുന്നതിന് ഒക്ടോബര്‍‍ 31 ന് നറുക്കെടുപ്പ് നടക്കും. ജില്ലാ ദുരന്ത നിവാരണ അതോറിറ്റി യോഗത്തിലാണ് തീരുമാനം. മേപ്പാടി എം.എസ്.എ ഓഡിറ്റോറിയത്തിലാണ് 149 ഗുണഭോക്താക്കൾക്കായുള്ള നറുക്കെടുപ്പ് നടക്കുക. നവംബറില്‍ ഗുണഭോക്താക്കൾക്ക് വീടുകൾ കൈമാറും വിധത്തിൽ ടൗൺഷിപ്പിലെ പ്രവൃത്തികൾ പൂർത്തിയാക്കാനും വെള്ളക്കെട്ട് ഉണ്ടാകാതിരിക്കാൻ അടിയന്തര നടപടി സ്വീകരിക്കണമെന്നും ഡി.ഡി.എം.എ കോ- ചെയർപേഴ്സൺ കൂടിയായ ജില്ലാ പഞ്ചായത്ത് പ്രസിഡൻ്റ് ചന്ദ്രിക കൃഷ്ണൻ യോഗത്തിൽ ഉദ്യോഗസ്ഥർക്ക് നിർദ്ദേശം നൽകി. വീടുകളുടെ ഉടമസ്ഥാവകാശ സർട്ടിഫിക്കറ്റ്, റേഷൻ…

കൽപ്പറ്റ: വയോജനങ്ങളുടെ സർഗവാസനകൾക്ക് വേദിയൊരുക്കി കൽപ്പറ്റ നഗരസഭയുടെ വയോജന കലാമേളയും സംഗമവും ‘പൊൻവസന്തം’ സംഘടിപ്പിച്ചു. ‘തണലേകിയവർക്ക് തണലാകാൻ’ എന്ന സന്ദേശവുമായി 2026–27 സാമ്പത്തിക വർഷത്തെ നഗരസഭയുടെ വാർഷിക പദ്ധതിയിൽ ഉൾപ്പെടുത്തിയാണ് പരിപാടി സംഘടിപ്പിച്ചത്. നഗരസഭാ അധ്യക്ഷൻ പി. വിശ്വനാഥൻ ഉദ്ഘാടനം ചെയ്തു. ക്ഷേമകാര്യ സ്ഥിരംസമിതി ചെയർപേഴ്സൺ ശശിധരൻ മാസ്റ്റർ അധ്യക്ഷനായി. വാർധക്യം വീടിന്റെ നാലു ചുവരുകൾക്കുള്ളിൽ ഒതുങ്ങേണ്ടതല്ലെന്നും കലാവാസനകൾ പ്രകടിപ്പിക്കാൻ വയോജനങ്ങൾക്ക് അവസരമൊരുക്കുകയാണ് കലാമേളയുടെ ലക്ഷ്യം. ജീവിതാനുഭവങ്ങളുടെ കരുത്തുമായി വേദിയിലെത്തിയ വയോജനങ്ങളുടെ പ്രകടനങ്ങൾ മേളയെ ശ്രദ്ധേയമാക്കി.  …

തിരുനെല്ലി: മലബാർ ദേവസ്വം എംപ്ലോയീസ് യൂണിയൻ (സി.ഐ.ടി.യു) സംസ്ഥാന പഠന ക്യാമ്പ് തിരുനെല്ലി ക്ലോവ് റിസോർട്ടിൽ ആരംഭിച്ചു. സി.ഐ.ടി.യു സംസ്ഥാന കൗൺസിൽ അംഗം സന്തോഷ് പി. ക്യാമ്പിന്റെ ഉദ്ഘാടനം നിർവഹിച്ചു. സംഘാടക സമിതി ചെയർമാൻ പി.എൻ. ഹരീന്ദ്രൻ ചടങ്ങിൽ സ്വാഗതം ആശംസിച്ചു. മലബാർ ദേവസ്വം ബോർഡ് എംപ്ലോയീസ് യൂണിയൻ നേതാവ് എ. പ്രദീപ് കുമാർ അധ്യക്ഷത വഹിച്ച ചടങ്ങിൽ സി.ഐ.ടി.യു സംസ്ഥാന സമിതി അംഗം എം. ഗിരീഷ്, പ്രൊഫ. ചന്ദ്രൻ നായർ എന്നിവർ മുഖ്യപ്രഭാഷണം നടത്തി. ചടങ്ങിൽ…

തിരുവനന്തപുരം: സ്കൂൾ കുട്ടികളുടെ ബാഗുകളുടെ അമിതഭാരം കുറയ്ക്കാൻ സംസ്ഥാന സർക്കാർ. സ്കൂൾ കുട്ടികളുടെ ബാഗുകളുടെ അമിതഭാരം കുറയ്ക്കാൻ വേണ്ടിയുള്ള ചർച്ചകൾ നടക്കുന്നു എന്ന് വിദ്യാഭ്യാസ മന്ത്രി എൻ ഷംസുദീൻ സഭയിൽ വ്യക്തമാക്കി. അടുത്തമാസം 24ന് ഇത് സംബന്ധിച്ച് യോഗം വിളിച്ചിട്ടുണ്ട്. ഭാരം കുറഞ്ഞ പേപ്പർ ഉപയോഗിച്ചുള്ള പുസ്തകങ്ങൾ നിർമ്മിക്കും. പുസ്തകങ്ങൾ അർദ്ധ വാർഷികം എന്ന നിലയിൽ ചുരുക്കാൻ വേണ്ടിയുള്ള നടപടികളും ആലോചിക്കുന്നു. കൈപ്പമംഗലം എംഎൽഎ കെ കെ വത്സരാജിന് മണ്ഡലത്തിലെ സ്കൂൾ ലീഡർ നൽകിയ നിവേദനം ആണ്…

വെങ്ങപ്പള്ളി: വെങ്ങപ്പള്ളി ഗ്രാമപഞ്ചായത്തിന്റെ പതിനഞ്ചാം പഞ്ചവത്സര പദ്ധതിയുടെ (2027-32) ഭാഗമായുള്ള നയരൂപീകരണ ശിൽപശാല ഒക്ടോബർ 26-ന് സംഘടിപ്പിച്ചു. ശിൽപശാലയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ജാസർ പാലക്കൽ നിർവ്വഹിച്ചു. ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് ഷീജ എൻ അധ്യക്ഷത വഹിച്ചു. നയരൂപീകരണം സംബന്ധിച്ച് ആസൂത്രണ സമിതി ഉപാധ്യക്ഷൻ ശ്രീ സുകുമാരൻ വിശദമായ വിഷയാവതരണം നടത്തുകയും സംസാരിക്കുകയും ചെയ്തു. വിവിധ സ്റ്റാൻഡിങ് കമ്മിറ്റി ചെയർമാന്മാർ, വാർഡ് മെമ്പർമാർ, ഉദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു സംസാരിച്ചു. പഞ്ചായത്തിന്റെ വരുംവർഷങ്ങളിലെ സമഗ്ര വികസനം…