മാനന്തവാടി: ഓണത്തോടനുബന്ധിച്ച് എൻ ഐ എസ് ആർ കമ്യൂണിറ്റി ഫൗണ്ടേഷൻ്റെ ആഭിമുഖ്യത്തിൽ പാലിയാണ അരയാൽതറ ഉന്നതിയിലെ കുടുംബങ്ങൾക്ക് പുതുവസ്ത്ര വിതരണം നടത്തി. എൻ.ഐ.എസ്.ആർ ഡയറക്ടറും കോ-ഫൗണ്ടറുമായ അഡ്വ. ജുനൈദ് കൈപ്പാണി പുതുവസ്ത്രങ്ങൾ കൈമാറി. ഉന്നതിയിലെ കുടുംബങ്ങൾക്ക് വിതരണം ചെയ്യുവാൻ വേണ്ടി വെള്ളമുണ്ട ഗ്രാമപഞ്ചായത്ത് വാർഡ് മെമ്പർ കെ.രാകേഷ് ഏറ്റുവാങ്ങി. എം രാധാകൃഷ്ണൻ, എം കുഞ്ഞികൃഷ്ണൻ എന്നിവർ സംബന്ധിച്ചു.
ബിർള ഇൻസ്റ്റിറ്റ്യൂട്ട് ഓഫ് ടെക്നോളജി ആൻ്റ് സയൻസ് കെ.കെ ബിർള ഗോവ ക്യാമ്പസിൽ നിന്നും ഭൗതിക ശാസ്ത്രത്തിൽ പി.എച്ച് ഡി കരസ്ഥമാക്കിയ വൈഷണവി കെ മോഹൻ കേണിച്ചിറ സ്വദേശികളായ കാക്കനാട്ട് മോഹനൻ്റെയും പി.കെ സതി ദേവിയുടെയും മകളാണ്.
തിരുവനന്തപുരം: സംസ്ഥാനത്ത് റെക്കോര്‍ഡ് മദ്യവില്‍പന. ഓണ സീസണില്‍ മൂന്ന് ദിവസത്തില്‍ വിറ്റത് 279.12 കോടി രൂപയുടെ മദ്യം. കഴിഞ്ഞ വര്‍ഷത്തെക്കാള്‍ 28.16 കോടി രൂപയുടെ അധിക വില്പനയാണ് ഇത്തവണ നടന്നത്. കഴിഞ്ഞ വര്‍ഷത്തെക്കാള്‍ റെക്കോര്‍ഡ് വില്പനയാണ് നടന്നത്. കഴിഞ്ഞ ഓണകാലത്തെ 3 ദിവസത്തെ വില്പന 250.96 കോടി രൂപയായിരുന്നു. ഇന്നലെ മാത്രം വിറ്റത് 88.98 കോടി രൂപയുടെ മദ്യമാണ്. ശനിയാഴ്ച 102.28 കോടി രൂപയുടെ മദ്യമാണ് വിറ്റത്. വരും ദിവസങ്ങളിലും വില്പന ഉയരനാണ് സാധ്യത. ഓണം സീസണ്‍…
കേരളത്തിൽ ആദ്യമായി 25000 സ്വകയർ ഫീറ്റ് പൂക്കളംഒരുങ്ങുന്നു. ഇരുളം ലയൺസ് ക്ലബ്ബും, മറ്റ് പ്രാദേശിക ക്ലബ്ബുകളും സാമൂഹിക സാംസ്കാരിക സംഘടനകളുടേയും സംയുക്ത ആഭിമുഖ്യത്തിൽ ഒന്നാമത് ഓണം സാംസ്ക്കാരി കോത്സവം “ഇരുളത്താണ് ഓണം 2K26” എന്ന പേരിൽ നടത്തുന്ന പരിപാടിയുടെ ഭാഗമായാണ് ഇരുളം ഗവ: ഹൈസ്‌കൂൾ ഗ്രൗണ്ടിൽ പൂക്കളം ഒരുക്കുന്നത്. ഇതിൻ്റെ ഭാഗമായി 10 ടൺ പൂവാണ് കർണ്ണാടകയിൽ നിന്നും സംഘാടകർ എത്തിച്ചിരിക്കുന്നത്. കേരളത്തിൽ തന്നെ ആദ്യമായാ ണ് ഇത്തരത്തിൽ പൂക്കളം ഉണ്ടാക്കുന്നതെന്ന് ഭാരവാഹികൾ പറഞ്ഞു
തിരുവനന്തപുരം: സപ്ലൈകോയുടെ വിറ്റുവരവ് കഴിഞ്ഞ 33 ദിവസത്തിനിടെ 391.75 കോടി രൂപ കടന്നു. ഓഗസ്റ്റ് 24 ഉച്ചവരെയുള്ള കണക്കാണിത്. ഓഗസ്റ്റ് ഒന്നു മുതലുള്ള വിറ്റു വരവ് മാത്രം 320 കോടി രൂപയാണ്. കഴിഞ്ഞവർഷം ഓണക്കാലത്ത് ഓഗസ്റ്റ് ഒന്നു മുതൽ സെപ്റ്റംബർ 4 വരെ 35 ദിവസത്തെ വിറ്റുവരവ് 385 കോടി രൂപയായിരുന്നു. ഈ വർഷം ഓണം ഫെയറുകളിലും സപ്ലൈകോ വില്പനശാലകളിലും തിരക്ക് വർദ്ധിച്ചതോടെ 391 കോടി രൂപയുടെ വിറ്റുവരവ് 33 ദിവസത്തിനിടെ നേടാൻ സപ്ലൈകോയ്ക്ക് കഴിഞ്ഞു. തിരുവനന്തപുരം,…
കൽപ്പറ്റ: ജൂലൈ മുപ്പത്തിയൊന്നിന് മുൻപ് തന്നെ ആദ്യഘട്ട സെൻസസ് വിജയകരമായി പൂർത്തിയാക്കിയ മുഴുവൻ അധ്യാപകർക്കുമുള്ള വേതനം ഓണത്തിന് മുൻപേ വിതരണം ചെയ്യണമെന്ന് കേരള സ്റ്റേറ്റ് സ്‌കൂൾ ടീച്ചേഴ്‌സ് ഫ്രണ്ട് നേതൃയോഗം ആവശ്യപ്പെട്ടു. കേരളത്തിൽ ഒന്നാമതായി സെൻസസ് ആദ്യഘട്ടം പൂർത്തീകരിച്ചത് വയനാട് ജില്ലയായിരുന്നു. ഇത് വയനാട് ജില്ലയിലെ അധ്യാപകരുടെ കഠിന പരിശ്രമഫലമായിരുന്നു. ഈ വിജയത്തിൽ വയനാട് ജില്ലാ കളക്ടർ ശ്രീമതി മേഘശ്രീ ഡി ആർ ഐഎഎസ് ആദ്യഘട്ട സെൻസസിൽ പങ്കെടുത്ത എല്ലാവരെയും അഭിനന്ദിക്കുകയും ചെയ്‌തിരുന്നു. അടുത്ത ഫെബ്രുവരി മാസത്തിൽ…
കൽപറ്റ: ഗതാഗതക്കുരുക്കിനെ തുടർന്ന് താമരശ്ശേരി ചുരത്തിൽ കർശന നിയന്ത്രണം ഏർപ്പെടുത്തി ട്രാഫിക് പൊലീസ്. ചുരത്തിൽ എവിടെയും വാഹന പാർക്കിങ് അനുവദിക്കില്ല. ചുരം റോഡിൽ കൂട്ടം കൂടാൻ അനുവദിക്കില്ല. ഗതാഗതം തടസ്സപ്പെടുത്തുന്ന വാഹനങ്ങൾക്കെതിരെയും നടപടി സ്വീകരിക്കും. ഗതാഗതം സുഗമമാക്കാൻ ചുരത്തിൽ കൂടുതൽ പൊലീസിനെ വിന്യസിച്ചതായി താമരശ്ശേരി പൊലീസ് അറിയിച്ചു. ഈ മാസം 28 വരെയാണ് നിയന്ത്രണം.
അമ്പലവയൽ : കുടുംബശ്രീ മിഷന്റെ നേതൃത്വത്തിൽ നടത്തിവരുന്ന വനിതാ സംരംഭമായ മുസ്ദ ഫുഡ്സിൻ്റെ ആയിരം കൊല്ലിയിൽ ആരംഭിച്ച ആധുനിക വിപണന കേന്ദ്രം ഐ.സി. ബാലകൃഷ്ണൻ എംഎൽഎ ഉദ്ഘാടനം ചെയ്തു. അമ്പലവയൽ ഗ്രാമ പഞ്ചായത്ത് പ്രസിഡൻ്റ് എൻ. സി. കൃഷ്ണകുമാർ അധ്യക്ഷത വഹിച്ചു. നാൽപ്പതിൽപരം ഉൽപന്നങ്ങൾ സ്വന്തമായ രുചിക്കൂട്ടിൽ ഉൽപാദിപ്പിക്കുന്ന മുസ്ദ ഫുഡ്സ് വനിതാ സംരംഭകർക്ക് മാതൃകയാണെന്ന് എം എൽ എ പറഞ്ഞു. അച്ചാറുകൾ, ഡ്രൈഡ് ഉൽപന്നങ്ങൾ, ബേക്കറി ഉൽപന്നങ്ങൾ, മിഠായികൾ, ചെറു ധാന്യങ്ങൾ, ആരോഗ്യദായക ഭക്ഷ്യവസ്തുക്കൾ തുടങ്ങിയ…
കൽപറ്റ: സർവീസിൽ നിന്ന് വിരമിച്ച സഹപ്രവർത്തകർക്ക് കേരള സ്റ്റേറ്റ് കോ-ഓപ്പറേറ്റീവ് ഇൻസ്പെക്ടേഴ്സ് & ഓഡിറ്റേഴ്സ് അസോസിയേഷന്റെ ആഭിമുഖ്യത്തിൽ യാത്രയയപ്പും, ‘സഹകാരിക്ക് ഒരു വഴികാട്ടി’ എന്ന മാർഗരേഖയുടെ പ്രകാശനവും, പത്മശ്രീ ഉമ്മൻ ചാണ്ടി പ്രഥമ കാർഷിക പുരസ്‌കാരം നേടിയ ചെറുവയൽ രാമന് അനുമോദനവും സംഘടിപ്പിച്ചു. വയനാട് ഡി.സി.സി പ്രസിഡന്റ് അഡ്വ. ടി.ജെ. ഐസക് സമ്മേളനം ഉദ്ഘാടനം ചെയ്തു. പത്മശ്രീ ചെറുവയൽ രാമനെ ആദരിച്ചു . സഹകരണ മേഖല അഴിമതിമുക്തമാക്കുന്നതിന്റെയും സഹകരണ സ്ഥാപനങ്ങളിലെ നിക്ഷേപങ്ങളുടെ സംരക്ഷണം ഉറപ്പാക്കുന്നതിന്റെയും പ്രാധാന്യം…
തിരുവനന്തപുരം: സംസ്ഥാനത്ത് വരും ദിവസങ്ങളിലും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. വടക്ക് പടിഞ്ഞാറന്‍ ബംഗാള്‍ ഉള്‍കടലില്‍ ന്യൂനമര്‍ദ്ദം ശക്തിപ്പെട്ടതിനാല്‍ സംസ്ഥാനത്ത് വ്യാഴാഴ്ച വരെ ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ഇന്ന് എട്ട് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, കണ്ണൂര്‍, കാസര്‍കോട് ജില്ലകളിലാണ് മുന്നറിയിപ്പ്. ഇന്നുമുതല്‍ ഈമാസം 27 വരെയുള്ള ദിവസങ്ങളില്‍ മഴക്ക് സാധ്യതയുണ്ടെന്നും മുന്നറിയിപ്പുണ്ട്. നാളെ മൂന്ന് ജില്ലകളിലും യെല്ലോ അലേര്‍ട്ടുണ്ട്. കോട്ടയം, എറണാകുളം,…
