കമ്മന എളയിടത്ത് ശ്രീ കിരാതമൂർത്തി ഭഗവതിക്ഷേത്രത്തിൻ്റെ പുതുതായി നിർമിച്ച ആൽത്തറയുടെ സമർപണം ക്ഷേത്രപരിസരത്തുവെച്ചു നടന്ന ചടങ്ങിൽ അലി ബ്രാൻ നിർവഹിച്ചു. കമ്മിറ്റിചെയർമാൻ കമ്മന മോഹനൻ അദ്ധ്യക്ഷംവഹിച്ചു. ബഷീർ ഗൾഫ് കോർണർ ,ജനറൽകൺവീനർഅരുൺ ,ജനറൽ കോർഡിനേറ്റർ ഉമേഷ്മോഹൻ ,മാതൃസമിതിപ്രസിഡൻ്റ് സജിത ,ഷാജിത്ത് ബാഗ്ലൂർ എന്നിവർ സംസാരിച്ചു. വൈസ്ചെയർമാൻ മനു കൃഷ്ണാലയം നന്ദി പറഞ്ഞു.

കാട്ടിക്കുളം: കാട്ടിക്കുളം എടയൂർ കുന്ന് തുവ്വശ്ശേരി ഷംസുദ്ദീനും കുടുംബവും മകൻ ഫാദുഷ ഫർഹാനെ കുറിച്ചുള്ള വിവരത്തിന് കാത്തിരിക്കുന്നു പഠനത്തിന്റെ ഭാഗമായുള്ള ഇന്റനൽ ഷിപ്പിനായി കുറച്ച് മാസങ്ങളായി മകൻ ഫാദുഷ ഇറാനിൽ കപ്പലിൽ ജോലി ചെയ്യുന്നു എല്ലാ ദിവസവും വിളിക്കാറുണ്ട് പക്ഷേ ഇറാൻ ഇസ്രായേൽ സങ്കർഷം തുടങ്ങിയ ശേഷം മകനെ ബന്ധപ്പെടാൻ കഴിയുന്നില്ല അവന്റെ അവസ്ഥയെ കുറിച്ച് ഒന്നും അറിയാൻ കഴിയുന്നില്ല ബഹുമാന്യരായ പ്രധാന മന്ത്രി കേന്ദ്ര വിദേശ കാര്യ മന്ത്രി മുഖ്യ മന്ത്രി ഇന്ത്യൻ എംബസ്സി എന്നിവർക്കെല്ലാം…

വിൽപ്പനക്ക് സൂക്ഷിച്ച എം.ഡി.എം.എയുമായി രണ്ടുപേർ പിടിയിൽ. റാട്ടകൊല്ലി മാടംപ്പള്ളി എം. ഷറഫുദീൻ(40), കോഴിക്കോട്, അടിവാരം, പൊട്ടിക്കയ്യിൽ അബ്ദുൽ അസീസ്(35) എന്നിവരെയാണ് ജില്ലാ ലഹരി വിരുദ്ധ സ്ക്വാഡും കൽപറ്റ പൊലീസും ചേർന്ന് പിടികൂടിയത്. കൽപറ്റയിലെ ലക്കി ലോഡ്ജിൽ വ്യാഴാഴ്ച നടത്തിയ റെയ്ഡിലാണ് ഇവർ വലയിലായത്. 1.65 ഗ്രാം എം.ഡി. എം.എ പിടിച്ചെടുത്തു. രഹസ്യ വിവരത്തിന്റെ അടിസ്ഥാനത്തിലാണ് ലോഡ്ജിൽ റെയ്ഡ് നടത്തിയത്. മയക്കുമരുന്ന് ഇവർ താമസിച്ച ലോഡ്ജിലെ മുറിയിൽ വിൽപ്പനക്ക് സൂക്ഷിച്ചതായിരുന്നു. സബ് ഇൻസ്‌പെക്ടർ കെ.എം. അർഷിദിന്റെ നേതൃത്വത്തിലായിരുന്നു പരിശോധന.

പനമരം ബസ് സ്റ്റാൻഡിലെ ബസ് സ്റ്റോപ്പിനൻറെ സീലിങ് കെ.എസ്.ആർ.ടി.സി ബസ് ഇടിച്ച് തകർത്തു മാനന്തവാടിയിൽ നിന്ന് സുൽത്താൻബത്തേരിക്ക് പോകുന്ന കെഎസ്ആർടിസി ബസ് ആണ് സ്റ്റാൻ്റിലേക്ക് കയറവെ സീലിങ് തകർ ത്തത്. കഴിഞ്ഞ ആറ് മാസം മുമ്പ് കൽപറ്റയിലെ സ്വകാര്യ മൊബൈൽ ഷോപ്പ് ഉടമ 5 ലക്ഷം രൂപമുടക്കി നിർമ്മിച്ചതാണ് ബസ് സ്റ്റോപ്. ഒരു മാസം മുമ്പും കെഎസ്ആർടിസി ബസ് തട്ടി ഒരു ഭാഗത്തെ സീലിംങ് അടർന്നു വീണിരുന്നു. ഡ്രൈവിങ്ങിലെ അശ്രദ്ധ കാരണമാണ് ഇതെന്നു നാട്ടുകാർ ആരോപിക്കുന്നു. വർഷങ്ങൾക്ക്…

പ്രായപൂർത്തിയാകാത്ത കുട്ടിക്കെതിരെ ലൈംഗികാതിക്രമം നടത്തിയയാൾക്ക് ഐപിസി, പോക്സോ,ഐ ടി ആക്ടുകളിലെ വിവിധ വകുപ്പുകൾ പ്രകാരം 15 വർഷം തടവും 242000 രൂപ പിഴയും വിധിച്ചു. വെള്ളമുണ്ട കാഞ്ഞായി വീട്ടിൽ അബ്ദുൾ റഷീദ്(40) നെയാണ് കൽപ്പറ്റ ഫാസ്റ്റ് ട്രാക്ക് സ്‌പെഷ്യൽ കോടതി ജഡ്‌ജ് കെ. കൃഷ്ണ കുമാർ ശിക്ഷിച്ചത്.   2021 ൽ ഇയാൾ പ്രായപൂർത്തിയാവാത്ത കുട്ടിയുടെ ഫോൺ നമ്പർ കൈക്കലാക്കി ഫോണിലൂടെ നിരന്തരം പിന്തുടർന്ന് വിവിധയിടങ്ങളിൽ കൊണ്ടുപോയി കുട്ടിക്കെതിരെ ലൈംഗീകാതിക്രമം നടത്തുകയും ദൃശ്യങ്ങൾ ഫോണിൽ സൂക്ഷിച്ച് കുട്ടിയെ…

മരവ്യാപാരവുമായി ബന്ധപ്പെട്ട തർക്കത്തിൽ മധ്യസ്ഥ ചർച്ചയ്ക്കിടെ സംഘർഷം. ചീരാൽ നമ്പ്യാർകുന്നിൽ യുവാവിന് വെട്ടേറ്റു. വെള്ളിയാഴ്ച രാവിലെയായിരുന്നു സംഭവം. മൂക്കുപുര സുനിലിനാണ് വെട്ടേറ്റത്. ഗുരുതരമായി പരിക്കേറ്റ സുനിലിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഘർഷത്തിൽ പരിക്കേറ്റ വാർഡ് മെമ്പർ പ്രശാന്ത് ബത്തേരിയിലെ സ്വകാര്യ ആശുപത്രിയിൽ ചികിത്സയിലാണ്. തമിഴ്നാട് അതിർത്തി പ്രദേശത്തെ മരം വ്യാപാരികളാണ് മരം എടുത്തത്. മരം മുറിച്ചപ്പോൾ അടുത്ത പറമ്പിലെ ആദായങ്ങൾക്കുണ്ടായ നാശനഷ്ടത്തിന് നഷ്ടപരിഹാരം നൽകുന്നതുമായി ബന്ധപ്പെട്ടാണ് തർക്കമുണ്ടായത്.

നിരവധി ക്രിമിനൽ കേസുകളിലുൾപ്പെട്ട കൊടും കുറ്റവാളിയെ കാപ്പ ചുമത്തി ജയിലിലടച്ചു. നെന്മേനി പുത്തന്‍കുന്ന്, പാലപ്പട്ടി സഞ്ചു എന്ന പി.എന്‍. സംജാദ്(32)നെയാണ് കാപ്പ ചുമത്തി ജയിലിലടച്ചത്. ഇയാള്‍ക്കെതിരെ നാലോളം വധശ്രമക്കേസുകൾ, അക്രമിച്ചു പരിക്കേല്‍പ്പിക്കല്‍, ആംസ് ആക്ട്, ഐ.ടി ആക്ട്, എന്നിങ്ങനെ ബത്തേരി, അമ്പലവയല്‍ പൊലീസ് സ്‌റ്റേഷനുകളിലായി നിരവധി ക്രിമിനൽ കേസുകളും കുപ്പാടി, തൊട്ടാമൂല ഫോറസ്റ്റ് സ്റ്റേഷനുകളിലുമായി 14 ഓളം കേസുകളുമുണ്ട്. ബത്തേരിയിൽ യുവാവിനെ കൊലപ്പെടുത്താൻ ശ്രമിച്ച കേസിൽ റിമാൻഡിൽ കഴിഞ്ഞ് പുറത്തിറങ്ങി വീണ്ടും കുറ്റകൃത്യങ്ങളിൽ ഏർപ്പെട്ടു വരികയായിരുന്നു. സ്ഥിരം…