നിയമസഭാ തെരഞ്ഞെടുപ്പ് ബോധവത്കരണ പരിപാടിയുടെ ഭാഗമായി ജില്ലയില്‍ സ്വീപ് (സിസ്റ്റമാറ്റിക് വോട്ടേഴ്‌സ് എജുക്കേഷന്‍ ആന്‍ഡ് ഇലക്ടറല്‍ പാര്‍ട്ടിസിപ്പേഷന്‍ പ്രോഗ്രാം) പ്രവര്‍ത്തനങ്ങള്‍ക്ക് തുടക്കമായി. വോട്ടവകാശത്തിന്റെ പ്രാധാന്യം ജനങ്ങളിലേക്ക് എത്തിക്കുക, തെരഞ്ഞെടുപ്പില്‍ സമ്മതിദായകരുടെ പങ്കാളിത്തം ഉറപ്പാക്കുക, വോട്ടര്‍ സാക്ഷരത വര്‍ധിപ്പിക്കുക എന്നിവയാണ് പദ്ധതിയുടെ ലക്ഷ്യം.   സ്വീപിന്റെ ഭാഗമായി കല്‍പ്പറ്റ മുണ്ടേരി ട്രൈബല്‍ ഹോസ്റ്റലിലെ വിദ്യാര്‍ത്ഥികള്‍ക്കായി ബോധവത്കരണ പരിപാടി സംഘടിപ്പിച്ചു. സ്വീപ് പ്രതിനിധി കെ ദിലീപ് കുമാര്‍ വോട്ടിന്റെ പ്രാധാന്യത്തെ കുറിച്ച് വിദ്യാര്‍ത്ഥികള്‍ക്ക് ക്ലാസെടുത്തു. വോട്ടര്‍ അവബോധം വര്‍ധിപ്പിക്കാന്‍ ആവശ്യമായ…

നിയമസഭാ തെരഞ്ഞെടുപ്പിന്റെ ഭാഗമായി ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടറുടെ ഇലക്ഷന്‍ സോഷ്യല്‍ മീഡിയ സെല്‍ കലക്ടറേറ്റില്‍ പ്രവര്‍ത്തനം ആരംഭിച്ചു. ജില്ലാ കലക്ടര്‍ ഡി ആര്‍ മേഘശ്രീ മീഡിയ സെല്ലിന്റെ ഔദ്യോഗിക ഉദ്ഘാടനം നിര്‍വഹിച്ചു. വോട്ടര്‍ അവബോധ പ്രചരണം, തെരഞ്ഞെടുപ്പുമായി ബന്ധപ്പെട്ട വിവരങ്ങള്‍ വേഗത്തിലും വിശ്വാസ്യതയോടെയും പൊതുജനങ്ങളിലേക്ക് എത്തിക്കുന്നതില്‍ സോഷ്യല്‍ മീഡിയ സെല്‍ നിര്‍ണായക പങ്ക് വഹിക്കുന്നുണ്ട്.   ജില്ലാ ഐ.ടി. സെല്ലില്‍ നടന്ന പരിപാടിയില്‍ അസിസ്റ്റന്റ് കളക്ടര്‍ പി.പി അര്‍ച്ചന, സോഷ്യല്‍ മീഡിയ നോഡല്‍ ഓഫീസര്‍…

ബത്തേരി നിയോജകമണ്ഡലം യു ഡി എഫ് കണ്‍വെന്‍ഷന്‍ നടത്തി   നിയമസഭാ തെരഞ്ഞെടുപ്പ് കേന്ദ്ര-കേരള സര്‍ക്കാരുകളുടെ അഴിമതിക്കും ജനദ്രോഹ നടപടികള്‍ക്കുമെതിരായ വിധിയെഴുത്താവും: വി എ നാരായണന്‍   സുല്‍ത്താന്‍ബത്തേരി: കേന്ദ്ര-കേരള സര്‍ക്കാരുകളുടെ ജനദ്രോഹനടപടികള്‍ക്കെതിരായ ശക്തമായ വിധിയെഴുത്താവും നിയമസഭാ തെരഞ്ഞെടുപ്പില്‍ പ്രതിഫലിക്കുകയെന്ന് കെ പി സി സി ട്രഷറര്‍ വി എ നാരായണന്‍. സുല്‍ത്താന്‍ബത്തേരി നിയോജകമണ്ഡലം യു ഡി എഫ് കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. പണക്കൊഴുപ്പിന്റെ രാഷ്ട്രീയമാണ് സി പി എം നടത്താന്‍ പോകുന്നത്. പതിനായിരക്കണക്കിന് കോടി…

കൽപ്പറ്റ: കൽപ്പറ്റ നിയോജക മണ്ഡലത്തിൽ നിന്നും മത്സരിക്കുന്ന ആം ആദ്മി പാർട്ടി സ്ഥാനാർഥി റഫീക്ക് സി എ നാമനിർദേശ പത്രിക സമർപ്പിച്ചു. വയനാട് ജില്ലയിലെ എല്ലാ മണ്ഡലങ്ങളിലും ആം ആദ്മി പാർട്ടി മത്സരിക്കുന്നുണ്ട്. തിങ്കളാഴ്ച സുൽത്താൻ ബത്തേരി മാനന്തവാടി മണ്ഡലങ്ങളിൽ തിങ്കളാഴ്ച സ്ഥാനാർഥികൾ പത്രിക സമർപ്പിക്കും. വയനാടിൻ്റെ പ്രാദേശിക പ്രശ്നങ്ങൾ ഉയർത്തി കാട്ടി പ്രചരണത്തിന് നേതൃത്വം നൽകുമെന്നും വരും ദിവസങ്ങളിൽ സംസ്ഥാന ദേശീയ നേതാക്കൾ ജില്ലയിൽ പ്രചാരണത്തിന് എത്തുമെന്നും സംസ്ഥാന വൈ. പ്രസിഡണ്ട് അജി കൊളോണിയ അറിയിച്ചു.

കല്‍പ്പറ്റ: സിവില്‍ സര്‍വീസ് റാങ്ക് ഹോള്‍ഡര്‍ ഹൃദ്യയെ അഭിനന്ദിച്ച് അഡ്വ. ടി സിദ്ധിഖ് എം എല്‍ എ. ശനിയാഴ്ച രാവിലെയാണ് കല്‍പ്പറ്റ മുണ്ടേരിയില്‍ ഗൃഹസന്ദര്‍ശനത്തിനൊപ്പം സിവില്‍ സര്‍വീസ് റാങ്ക് ഹോള്‍ഡറെ അഭിനന്ദിക്കാന്‍ സിദ്ധിഖ് എത്തിയത്. രാവിലെ മുണ്ടേരിയിലെത്തിയ സിദ്ധിഖ് അങ്ങാടിയിലും പരിസരപ്രദേശങ്ങളിലുമെത്തി വോട്ടഭ്യര്‍ഥിച്ചു. തുടര്‍ന്ന് സ്വര്‍ണപ്രശ്‌നം നടക്കുന്ന കോട്ടവയല്‍ ഭഗവതി ക്ഷേത്രത്തിലും സ്ഥാനാര്‍ഥിയെത്തി. ക്ഷേത്രഭാരവാഹികളെയും ഭക്തജനങ്ങളെയും കണ്ട് വോട്ടഭ്യര്‍ഥിച്ച ശേഷമാണ് സിദ്ധിഖ് ക്ഷേത്രത്തില്‍ നിന്നും മടങ്ങിയത്. കോട്ടവയല്‍ ക്ഷേത്രസന്ദര്‍ശനത്തിന് ശേഷം മേപ്പാടി കടൂര്‍ അമ്പലക്കുന്ന് സുബ്രഹ്‌മണ്യക്ഷേത്ര ഉത്സവത്തിലും…

മാനന്തവാടി: എൽഡിഎഫ് മാനന്തവാടി നിയോജക മണ്ഡലം തെരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്തു. മാനന്തവാടി ഗാന്ധി പാർക്കിലാണ് ഓഫീസ്. സിപിഐ എം ജില്ലാ സെക്രട്ടറി കെ റഫീഖ് ഉദ്ഘാടനം ചെയ്തു.നേതാക്കളായ എ എൻ പ്രഭാകരൻ, വി കെ ശശിധരൻ, ടി കെ പുഷ്‌പൻ, എ ജോണി, എൻ യു ജോൺ, നിഖിൽ പത്മനാഭൻ, ശോഭ രാജൻ, പി ടി ബിജു, അനിൽ വള്ളുവക്കണ്ടി, അസീസ് കൊടക്കാട് എന്നിവർ നേതൃത്വം നൽകി.