ആരോഗ്യകേരളം ജില്ലാ പ്രോഗ്രാം മാനേജരായി ഡോ. ഷീജ വി.ആര്‍ ചുമതലയേറ്റു. ജില്ലാ പ്രോഗ്രാം മാനേജരായിരുന്ന ഡോ. സമീഹ സൈതലവി കാലാവധി പൂര്‍ത്തിയാക്കി മാതൃവകുപ്പിലേക്ക് തിരിച്ചുപോയ ഒഴിവിലേക്കാണ് പുതിയ നിയമനം. മാനന്തവാടി സ്വദേശിനിയായ ഡോ. ഷീജ 2005ല്‍ എടവക കുടുംബാരോഗ്യ കേന്ദ്രത്തിലാണ് ജോലിയില്‍ പ്രവേശിച്ചത്. പിന്നീട് 10 വര്‍ഷം വെള്ളമുണ്ട കുടുംബാരോഗ്യ കേന്ദ്രത്തിലും ഒമ്പതു വര്‍ഷം പനമരം കമ്മ്യൂണിറ്റി ഹെല്‍ത്ത് സെന്ററിലും ജോലി ചെയ്തു. ഏറ്റവുമൊടുവില്‍ പേര്യ കമ്മ്യൂണിറ്റി ഹെല്‍ത്ത് സെന്റര്‍ മെഡിക്കല്‍ ഓഫിസറായിരുന്നു. അഡ്വ. ശ്രീകാന്ത് പട്ടയനാണ്…

കല്‍പ്പറ്റ: വയനാട് ജില്ലയുടെ 50-ാമത് പോലീസ് മേധാവിയായി എസ്. ദേവമനോഹർ ഐ.പി.എസ് ചുമതലയേറ്റു. അഡിഷണൽ എൻഫോഴ്സ്‌മെന്റ് എക്സൈസ് കമ്മീഷണറായി ചുമതല വഹിച്ചുവരുകയായിരുന്നു. ICT(Information Communication & Technology)എസ്.പി യായും മുൻപ് സേവനമനുഷ്ഠിച്ചിട്ടുണ്ട്. നിലവിൽ ജില്ലാ പോലീസ് മേധാവിയായിരുന്ന അരുൺ കെ. പവിത്രൻ ഐ.പി.എസ് കൊച്ചി സിറ്റി പോലീസ് ഡെപ്യൂട്ടി കമ്മീഷണറായാണ് നിയമിതനാകുന്നത്.

പുൽപ്പള്ളി : പുൽപ്പള്ളി മേഖലയിലെ ജിയോ നെറ്റ്‌വർക്ക് ഉപഭോക്താക്കൾക്ക് സേവനത്തിനായും പരാതി നൽകുവാനോ മറ്റു സേവനങ്ങൾ ലഭിക്കുന്നതിനുമായി പ്രവർത്തിച്ചുകൊണ്ടിരുന്ന പുൽപ്പള്ളി താഴെയങ്ങാടിയിലെ ഓഫീസ് മിക്ക ദിവസവും അടഞ്ഞു തന്നെ. മിക്ക ദിവസവും ആളുകൾ ഓഫീസിൻ്റെ മുമ്പിൽ വന്നു പോകുന്നത് പതിവാണെന്ന് അടുത്തുള്ള സ്ഥാപന ഉടമകൾ പറഞ്ഞു. ജിയോ നെറ്റ്‌വർക്ക് വിളിച്ചാൽ കിട്ടില്ല എന്നും ബിസി ആണെന്നും മറ്റുമുള്ള പരാതികൾ ഉള്ളപ്പോഴാണ് ഈ ഓഫീസ് തുറക്കാതിരിക്കുന്നത്. പുൽപ്പള്ളി മേഖലയുടെ 60 ശതമാനം ഉപഭോക്താക്കളും ജിയോ നെറ്റ് വർക്കിന്റെ കീഴിലായി…

പനമരം : ഒരു പതിറ്റാണ്ടുകാലമായി മാധ്യമ പ്രവർത്തന മേഖലയിൽ പനമരത്തിൻ്റെ നിറസാന്നിധ്യമായ റസാഖ് സി. പച്ചിലക്കാടിനെ ദേശീയ വായന ദിനത്തിൽ ആദരിച്ചു. പനമരം ബദ്റുൽഹുദയിൽ നടന്ന പരിപാടിയിൽ പ്രശസ്ത എഴുത്തുകാരൻ ഒ.എം. തരുവണ മൊമെൻ്റോ നൽകി അനുമോദിച്ചു. പനമരം പ്രസ്ഫോറം സെക്രട്ടറിയും, മാതൃഭൂമി ലേഖകനും, വയനാട് വിഷൻ റിപ്പോർട്ടറുമാണ് റസാഖ്. ചടങ്ങിൽ പ്രസ് ഫോറം പ്രസിഡൻ്റ് മൂസ കൂളിവലിനെയും ആദരിച്ചു. ബദ്റുൽഹുദാ ജനറൽ സെക്രട്ടറി പി. ഉസ്മാൻ മൗലവി, മാനേജർ നസീർ കോട്ടത്തറ, നൗഫൽ അഹ്സനി, ഹാഫിൾ…

പുല്‍പ്പള്ളി: കോണ്‍ഗ്രസ് ഇരുളം മണ്ഡലം കമ്മിറ്റി അങ്ങാടിശേരി, ചീയമ്പം 73, ഇരുളം ഉന്നതികളിലെ മഴയത്ത് വീട് ചോര്‍ന്നൊലിക്കുന്ന 40 കുംബങ്ങള്‍ക്ക് ടാര്‍പോളിന്‍ ഷീറ്റ് വിതരണം ചെയ്തു. ജില്ലാ പഞ്ചായത്ത് കേണിച്ചിറ ഡിവിഷന്‍ അംഗം അമല്‍ ജോയ് ഉദ്ഘാടനം ചെയ്തു. കോണ്‍ഗ്രസ് ഇരുളം മണ്ഡലം കമ്മിറ്റി പ്രസിഡന്റ് യെല്‍ദോസ് മണല്‍വയല്‍ അധ്യക്ഷത വഹിച്ചു. പഞ്ചായത്തംഗം സുലൈഖ ബഷീര്‍, ജയന്‍ തൈപ്പറമ്പില്‍, കെ.കെ. പ്രഹഌദന്‍, രഘു മാതമംഗലം എന്നിവര്‍ നേതൃത്വം നല്‍കി.  

ജില്ലയിലെ ബാങ്കുകള്‍ സാമ്പത്തിക വര്‍ഷം 2025- 26 നാലാം പാദത്തിൽ 11008 കോടി രൂപ വായ്പ നല്‍കിയതായി ജില്ലാതല ബാങ്കിംഗ് അവലോകനയോഗം. ഇതിൽ മുൻഗണനാ വിഭാഗത്തിന് 7838 കോടി രൂപയും മറ്റു വിഭാഗത്തിൽ 3170 കോടി രൂപയുമാണ് വിതരണം ചെയ്തത്. ജില്ലയിൽ നാലാം പാദത്തിൽ വായ്പാ വിതരണത്തിൽ ഗണ്യമായ വർധനവ് രേഖപ്പെടുത്തി. കാര്‍ഷിക വായ്പയായി 6171 കോടി രൂപയും ലഘു, സൂക്ഷ്മ, ഇടത്തരം സംരംഭങ്ങൾ ഉൾപ്പെടുന്ന നോൺ ഫാർമിംഗ് സെക്ടറിൽ 1300 കോടി രൂപയും മറ്റ് മുൻഗണനാ…

ദേശീയ സെന്‍സസിന്റെ ഭാഗമായുള്ള സെല്‍ഫ് എന്യുമറേഷന്‍ നടപടികള്‍ ജില്ലയില്‍ പുരോഗമിക്കുന്നു. ttps://se.census.gov.in/ എന്ന സന്‍സസ് വെബ് പോര്‍ട്ടലില്‍ ജൂണ്‍ 30വരെ പൊതുജനങ്ങള്‍ക്ക് സ്വയം വിവരങ്ങള്‍ സമര്‍പ്പിക്കാം. ജൂലൈ ഒന്ന് മുതല്‍ എന്യൂമറേറ്റര്‍മാര്‍ ഓരോ വീടുകളിലും എത്തി വിവരങ്ങള്‍ ശേഖരിക്കാന്‍ തുടങ്ങും. സെല്‍ഫ് എന്യുമറേഷന്‍ വഴി വിവരങ്ങള്‍ നല്‍കുന്നവര്‍ പിന്നീട് ഉദ്യോഗസ്ഥര്‍ വീടുകളിലെത്തുമ്പോള്‍ വീണ്ടും വിവരങ്ങള്‍ നല്‍കേണ്ടതില്ല. പകരം ഓണ്‍ലൈനായി തന്നെ ലഭിക്കുന്ന 11 അക്ക നമ്പര്‍ കൈമാറിയാല്‍ മാത്രം മതിയാവും. മൊബൈല്‍ ഫോണിലോ കംപ്യൂട്ടറിലോ വളരെ ലളിതമായി…

കെഎസ്ആർടിസിയുടെ ‘പ്രിയദർശനി യാത്രാ പദ്ധതി’യെ തുടർന്ന് യാത്രക്കാരുടെ എണ്ണം ഗണ്യമായി കുറഞ്ഞതോടെ കടുത്ത പ്രതിസന്ധിയിലായി സംസ്ഥാനത്തെ സ്വകാര്യ ബസ് വ്യവസായം. സംസ്ഥാന സർക്കാർ പ്രഖ്യാപിച്ച നികുതി ഇളവ് അപര്യാപ്തമാണെന്നും, ഈ പ്രതിസന്ധി തുടർന്നാൽ അടുത്ത മാസം മുതൽ സർവീസുകൾ പൂർണ്ണമായി നിർത്തിവയ്ക്കേണ്ടി വരുമെന്നും പ്രൈവറ്റ് ബസ് ഓപ്പറേറ്റേഴ്സ് ഓർഗനൈസേഷൻ ഭാരവാഹികൾ മുന്നറിയിപ്പ് നൽകി. കെഎസ്ആർടിസി ബസുകളിൽ പ്രിയദർശനി യാത്രാ പദ്ധതി ആരംഭിച്ചതിന് പിന്നാലെ സ്വകാര്യ ബസ്സുകളെ ആശ്രയിക്കുന്ന യാത്രക്കാരുടെ എണ്ണത്തിൽ വലിയ ഇടിവാണ് സംഭവിച്ചിരിക്കുന്നത്. ഇത് ദിനംപ്രതിയുള്ള…